अछाम।
साँफेबगर बक्सिङ संघले राष्ट्रव्यापी स्कुल ब्वाईज तथा गर्ल्स बक्सिङ प्रतियोगितामा छनोटमा आफ्नो खेल प्रदर्शन गर्ने अछामका चार जना खेलाडीलाई सम्मान गरेको छ।
राष्ट्रव्यापी स्कुल ब्वाईज तथा गर्ल्स बक्सिङ प्रतियोगितामा छनोटमा खेल पर्दशन गर्ने ब्वाईज तर्फ प्रविन ताम्राकार र रोहित जनाला तथा गर्ल्स तर्फ लक्ष्मी शाह र निशा नेपालीलाई एक कार्यक्रमका बिच खादा तथा अबिर लगाएर साँफेबगरमा सम्मान गरीएको संघका अध्यक्ष युवराज नाथले जानकारी दिनु भएको छ।
जसमा गोल्ड मेडलिस्ट रोहित जनाला, शिल्भर मेडलिस्ट लक्ष्मी शाही र प्रविन टमट्टा र तेस्रो मेडलिस्ट निशा आउजी हुनु भएको थियो। संघले खेलाडीको मनोबल बढाउनका लागि सम्मान गरेको साँफेबगर बक्सिङ संघका अध्यक्ष नाथले बताउनु भएको छ।
प्रथम गोल्ड मेडिलिस्ट सम्मान कार्यक्रममा साँफेबगर नगरपालिका स्वास्थ्य शाखाका प्रमुख पुष्प बहादुर बुढा, अछाम बक्सिङ संघका अध्यक्ष टोप बहादुर बिष्ट, भलिबल प्रशिक्षक विजय कुँवर, चेतमान बिक्रम शाह, संघका उपाध्यक्ष गोविन्द भण्डारी सचिव रमेश साउँद लगाएको उपस्थिति रहेको थियो।
