स्थानीय बजारमा २० लाख लगानीमा यूवा उद्यमी भिम बोगटीले खोले जनता होटल

स्थानीय समाचार

Home
स्थानीय समाचार
स्थानीय बजारमा २० लाख लगानीमा यूवा उद्यमी भिम बोगटीले खोले जनता होटल

स्थानीय बजारमा २० लाख लगानीमा यूवा उद्यमी भिम बोगटीले खोले जनता होटल

साँफेबगर ।

स्थानीय नागरिक तथा यात्रुहरुलाई गुणस्तरीय, स्वच्छ र स्वादिला परिकारहरु उपलब्ध गराउने उद्धेश्यका साथ अछामको साँफबेगर नगरपालिका वडा नम्बर–१० ठाँटी बजार स्थित जनता होटल औपचारिक रुपमा सञ्चालनमा आएको छ।

यूवा उद्यमी भिम बोगटीको २० लाख लगानीमा सुरु भएको जनता होटल एण्ड नास्ता पसलको असोज ९ गते एक विशेष कार्यक्रमका बीच उद्घाटन गरिएको हो।

बुढीगंगाका ताजा माछा, घरमा पालेका खसी, बोका लोकल कुखुराको मासु, विभिन्न ब्राह्णका पेय पदार्थ लगायत खाजा नास्ताको विशेष व्यवस्था रहेको सञ्चालक बोगटीले बताउनु भयाने। विशेष गरी व्यस्त दैनिकीमा स्वस्थ र घरमै तयार पारिएको जस्तै ताजा खाजाको खोजीमा रहेका ग्राहकहरुलाई लक्षित गर्दै यो व्यवसाय सुरु गरिएको सञ्चालकले बताउनु भएको छ।

उक्त जनता होटल एण्ड नास्ता पसलमा विभिन्न रैथाने तथा आधुनिक खाजाका परिकारहरु उचित मूल्यमा उपलब्ध गराईने छ। व्यवसाय सुरु भएसँगै स्थानीय स्तरमा केही व्यक्तिहरुले रोजगारी समेत पाएका छन्।

उद्घाटनको अवसरमा ग्राहकहरुका लागि विशेष छुटको व्यवस्था समेत गरिएको थियो। आगामी दिनहरुमा सरसफाई र गुणस्तरलाई मुख्य प्राथमिकतामा राख्दै सेवा विस्तार गर्ने सञ्चालकको योजना रहेको छ।

प्रकाशित मिति: शनिबार, असोज १०, २०८३ १८:२४

प्रतिक्रिया दिनुहोस्