विद्यालय स्तरीय गुनासो सुनुवाई संयन्त्र समितिको बैठक सम्पन्न

स्थानीय समाचार

Home
स्थानीय समाचार
विद्यालय स्तरीय गुनासो सुनुवाई संयन्त्र समितिको बैठक सम्पन्न

विद्यालय स्तरीय गुनासो सुनुवाई संयन्त्र समितिको बैठक सम्पन्न

साँफेबगर ।

विद्यालयमा रहेका समस्या तथा गुनासाहरुको सुनुवाई गरी समाधानका लागि पहल गर्ने उद्धेश्यले विद्यालय स्तरीय गुनासो सुनुवाई संयन्त्र समितिको बैठक सम्पन्न भएको छ।

साँफेबगर नगरपालिका वडा नम्बर ४ स्थित भगवती आधारभूत विद्यालयमा समितिका संयोजक टंकी कडायत बोहराको अध्यक्षतामा सम्पन्न बैठकमा यस महिनामा प्राप्त भएका २ वटा गुनासोका विषयमा छलफल गरिएको थियो।

प्राप्त गुनासा मध्ये विद्यालयको भौतिक पूर्वाधार सुधार र शिक्षकको नियमित उपस्थिति सम्बन्धी विषय रहेका थिए। बैठकले उक्त गुनासाहरुको आवश्यक छलफल तथा समाधानका लागि सम्बन्धित पक्षसँग समन्वय गर्ने निर्णय गरेको छ।

बैठकमा बाल सञ्जालका प्रतिनिधि, विद्यालयका शिक्षक, अभिभावक संघका प्रतिनिधि तथा विद्यालय व्यवस्थापन समितिका सदस्यहरुको सहभागिता रहेको थियो। कार्यक्रमको सहजीकरण आस्था नेपालका कर्मचारी भ्वान सिंह सार्की र धुर्व स्वारले गर्नु भएको थियो।

विद्यालयमा बालबालिकाको आवाज सुन्ने, गुनासो सम्बोधन गर्ने र सुरक्षित तथा बालमैत्री वातावरण निर्माण गर्ने उद्धेश्यले यस्ता संयन्त्रको भूमिका महत्वपूर्ण रहेको सहभागीहरुले बताएका छन्।