सुदूरपश्चिमका ७ जिल्लामा सवारी साधन सञ्चालनमा रोक

सुदूरपश्चिम

Home
सुदूरपश्चिम
सुदूरपश्चिमका ७ जिल्लामा सवारी साधन सञ्चालनमा रोक

सुदूरपश्चिमका ७ जिल्लामा सवारी साधन सञ्चालनमा रोक

साँफेबगर ।
लगातारको वर्षाका कारण सम्भावित जोखिमलाई ध्यानमा राख्दै सुदूरपश्चिमका कैलाली र कञ्चनपुर बाहेक सबै ७ जिल्लामा सवारी साधन आवागमनमा रोक लगाईएको छ। सम्बन्धित जिल्लाका स्थानीय प्रशासनले सूचना जारी गर्दै शनिबार बिहान ७ बजे देखि आइतबार बिहानसम्म सवारी साधन सञ्चालनमा रोक लगाएका हो।

प्रदेश ट्राफिक प्रहरी कार्यालय अत्तरियाका प्रमुख प्रहरी उपरीक्षक (एसपी) नवराज कार्कीले लगातारको वर्षाका कारण हुन सक्ने सम्भावित जोखिमलाई ध्यानमा राख्दै सवारी साधन सञ्चालनमा रोक लगाईएको जानकारी दिएका छन्। उहाँका अनुसार सम्बन्धीत जिल्ला प्रशासन कार्यालयले सूचना जारी गर्दै सवारी साधन चलाउनमा रोक लगाएका हुन्।

पहाडी जिल्लामा छोटो तथा लामो दूरीका कुनै पनि सवारी साधन सञ्चालन गर्न नपाईने भएको छ। पहिलो चरणमा शनिबार बिहान ७ देखि आइतबार बिहान ७ बजेसम्मका लागि सवारी साधन सञ्चालनमा रोक लगाईएको हो।

तराईका कैलाली र कञ्चनपुरमा भने जोखिम कम हुने भएकाले सवारी साधन चलि रहेका छन्। ट्राफिक प्रहरीले सूचना थाहा नपाएर पहाड तर्फ गई रहेका केही गाडी कैलालीको खानीडाँडामा रोकेर फर्काईएको जनाएको छ।

सुदूरपश्चिमा ९ वटै जिल्लामा शुक्रबार देखि निरन्तर वर्षा भई रहेको छ। वर्षाका कारण बाढी तथा पहिरोको जोखिम हुने भएकाले सबैलाई सचेत रहन समेत स्थानीय प्रशासनले आग्रह गरेका छन्। साभार

प्रकाशित मिति: शनिबार, असोज १०, २०८३ ११:४५

प्रतिक्रिया दिनुहोस्