जिल्ला भलिबल संघ अछामको नयाँ नेतृत्व चयन, अध्यक्षमा कुवँर चयन

स्थानीय समाचार

Home
स्थानीय समाचार
जिल्ला भलिबल संघ अछामको नयाँ नेतृत्व चयन, अध्यक्षमा कुवँर चयन

जिल्ला भलिबल संघ अछामको नयाँ नेतृत्व चयन, अध्यक्षमा कुवँर चयन

साँफेबगर ।

जिल्ला भलिबल संघ अछामको नयाँ नेतृत्व चयन भएको छ। आइतबार मंगलसेनमा सम्पन्न संघको अधिवेशन मार्फत जिल्ला स्तरिय नयाँ नेतृत्व चयन गरेको हो।

साँफेबगर नगरपालिकाका कृष्ण बहादुर कुवँरको अध्यक्षतामा १० सदस्यीय नयाँ कार्य समिति गठन भएको संघले जानकारी दिएको छ। जसको उपाध्यक्षमा मंगलसेन नगरपालिकाका राजेश प्रसाद भाट र कमलबजार नगरपालिकाका तिलक थापा चयन हुनु भएको छ।

यस्तै कार्य समितिको सचिवमा तुर्माखाँद गाउँपालिकाका हर्क बहादुर बयक, कोषाध्यक्षमा मंगलसेन नगरपालिकाका सरस्वती नेपाली र अन्य सदस्यहरुमा बेदराज तिमिल्सैना, लक्ष्मी कुमारी बुढा, जनक बहादुर बि.क., केशब थापा, राम बहादुर साउँद चयन हुनु भएको छ।

अछाम जिल्लामा खेलकुदको विकास, विस्तार तथा भलिबल खेलको प्रर्वद्धन गर्ने उद्धेश्यले गठित संघको नयाँ नेतृत्वमा जिल्लाको भलिबल खेल क्षेत्रले नयाँ उचाई लिने अपेक्षा गरिएको छ।

यस्तै नवगठित कार्य समितिले जिल्लाका प्रतिभावान खेलाडीहरुको पहिचान र उनीहरुको क्षमता विकासमा पनि सक्रिय भएर काम गर्ने जनाएको छ।

प्रकाशित मिति: आइतबार, असोज ४, २०८३ २०:०४

प्रतिक्रिया दिनुहोस्