अछाम ।
छैठौं संस्करणको राष्ट्रिय समावेशी म्यूजिक अवार्ड ‘निम अवार्ड’ २०२३ को मनोनयन सार्वजनिक भएको छ। पावर ईन्टर नेशनल मिडिया नेपाल (पिम नेपाल) को आयोजनामा उक्त अवार्ड वितरण सम्पन्न हुन गई रहेको छ।
एल.पी. शर्मा (साँफेबगर नगरपालिकाका प्रमुख प्रशासकीय अधिकृत लक्ष्मी प्रसाद शर्मा) को ‘लिलु’ गित छैठौं राष्ट्रिय समावेशी म्यूजिक अवार्ड २०२३ मा पर्न सफल भएको छ। आयोजकले सार्वजनिक गरेको विभिन्न विद्या मध्ये उत्कृष्ट देउडा भाका सहितको भिडियोमा शर्माको ‘लिलु’ मनोनयनमा पर्न सफल भएको हो। अवार्डको दुई विधामा ‘लिलु’ पर्न सफल भएको हो।
भाका र भिडियोमा एल.पी. शर्मा र भद्रजंग कुँवर पर्न सफल भएका हुन्। छाउ गोठमा बस्दाको पीडालाई ‘लिलु’ले बोकेको छ। छोटो समयमा १२ लाख भन्दा बढी दर्शकले रुचाएको गितमा मर्मस्पर्शि सन्देश रहेको छ।
‘लिलु’ का रचनाकार एल.पी. शर्माले यो सफलताका पछाडी आम दर्शक श्रोता र सहयोगी मनहरुको रहेको बताउनु भयो। उहाँले सबैलाई भोट गर्न समेत आग्रह गर्नुभ एको छ।
विभिन्न भाषाभाषीका गरी कुल ४२ विधामा प्रतिष्प्रर्धामा रहेका कलाकार, श्रष्टा तथा सर्जकहरुलाई अनलाईन भोटिङ प्रक्रिया र निर्णायकहरुको मतको आधारमा सर्वोत्कृष्ट घोषणा गरी अवार्ड प्रदान गरिने निम अवार्डका अध्यक्ष तथा पिम नेपालका अध्यक्ष माधव राज खरेलले बताउनु भयो।
कार्यक्रमको समापन एक भव्य समारोहको बिच फागुनको दोश्रो साता हुने भएको छ। उक्त कार्यक्रममा रजत सम्मान, पत्रकारिता पुरस्कार लगायत सम्मान तथा पुरस्कारहरु समेत प्रदान गरिने आयोजकले बताएको छ।
