किसान सहकारीको ३१ औँ वार्षिकोत्सवमा वेदविद्याश्रमका बटुकलाई शैक्षिक सामग्री

स्थानीय समाचार

Home
स्थानीय समाचार
किसान सहकारीको ३१ औँ वार्षिकोत्सवमा वेदविद्याश्रमका बटुकलाई शैक्षिक सामग्री

किसान सहकारीको ३१ औँ वार्षिकोत्सवमा वेदविद्याश्रमका बटुकलाई शैक्षिक सामग्री

खप्तड समाचारदाता मंगलबार, कात्तिक १७, २०८३

साँफेबगर ।

किसान बहुउद्देश्यीय सहकारी संस्था लिमिटेड, साँफेबगर शाखाले आफ्नो ३१ औँ वार्षिकोत्सवको अवसरमा वैद्यनाथ वेदविद्याश्रममा अध्ययनरत बटुकहरुलाई शैक्षिक सामग्री वितरण गरेको छ।

संस्थाले सामाजिक उत्तरदायित्व कार्यक्रम अन्तर्गत वेदविद्याश्रममा अध्ययनरत बटुकहरुलाई आवश्यक शैक्षिक सामग्री वितरण गरेको हो।

वार्षिकोत्सवका अवसरमा आयोजित कार्यक्रममा संस्थाका प्रतिनिधि तथा अन्य व्यक्तिहरुको उपस्थिति रहेको थियो। संस्थाले समुदायसँगै समृद्धि हासिल गर्ने उद्धेश्य सहित सामाजिक उत्तरदायित्वका कार्यक्रमलाई निरन्तरता दिँदै आएको जनाएको छ।

संस्थाका कर्मचारी धन बहादुर कुँवरले वार्षिकोत्सवलाई सामाजिक सेवासँग जोड्दै विद्यार्थीलाई शैक्षिक सामग्री सहयोग गरिएको जानकारी दिनु भयो।

कार्यक्रममा सस्थाका साँफेबगर, मंगलसेन र कमलबजारका शेयर उपसमिति संयोजक यज्ञ कुमारी स्वार लगायतको उपस्थिति रहेको थियो। संस्थाले ‘समृद्धिका लागि समुदायसँग सँगसँगै’ भन्ने नारालाई आत्मसात गर्दै सामाजिक क्षेत्रमा सहयोगका कार्यक्रम सञ्चालन गर्दै आएको छ।