साँफेबगर ।
विद्यार्थीलाई शैक्षिक सामाग्री वितरण गरिएको छ । अछामको साँफेबगर नगरपालिका वडा नम्बर १०, घुघुरकोट स्थित रहेको बेतालमाण्डौं माध्यामिक विद्यालयका विद्यार्थीलाई शैक्षिक तथा खेलकुद सामाग्री वितरण गरिएको हो ।
विद्यालयमा अध्ययन गर्ने विद्यार्थीलाई विभिन्न शैक्षिक तथा खेलकुद सामाग्री वितरण गरेको हो । विद्यार्थीहरुको न्यूनतम आवश्यकता पुरा गर्ने उद्धेश्यले विद्यालयमा, चार जोडा ड्रेस, एक जनालाई झोला सहित स्टेस्नरी सामाग्रीहरु वितरण गरिएको थियो ।
उक्त सामाग्रिहरु वाक नेपालद्धारा सञ्चालित महिला सशक्तिकरण तथा बाल अधिकार संरक्षण परियोजनाको आर्थिक सहयोगमा वितरण गरिएको परियोजनाका अधिकृत सत्य स्वारले जानकारी दिनु भयो ।
विद्यालयले छनोट गरेका गरिव परिवार, दलित तथा जेहेन्दार विद्यार्थीलाई शैक्षिक सामाग्रि वितरण गरिएको सामाजिक परिचालक अप्सरा बुढा महताले बताउनु बताउनु भयो । उहाँका अनुसार झोलासंगै कापि, कलम लगायत विद्यार्थीलाई पठन–पाठनमा आवश्यक सामाग्रिहरु वितरण गरिएको थियो ।
शैक्षिक सामाग्रीहरु निःशुल्क रुपमा पाए पछि न्युन आर्थिक अवस्था भएका परिवारका नानीहरुलाई पढाईमा प्रोत्साहन मिल्ने भन्दै सबैलाई यस्ता कार्यमा ध्यान दिन र सामुदायिक विद्यालयको गुणस्तर वृद्धिमा सहयोग गर्न विद्यालयका प्रधानाध्यापक धर्मेन्द्र बहादुर शाहले आग्रह गर्नु भयो । शैक्षिक सामाग्री पाए पछि नानीहरुलाई विद्यालय आउन सहयोग पुग्ने शाहको भनाई रहेको छ ।
उक्त परियोजनाले शैक्षिक सामाग्रि वितरणका लागि ९ हजार रुपियाँ बजेट विनियोजन गरेको थियो ।
साथै विद्यालय स्तरीय बाल क्लबको मासिक बैठक बसेर बाल क्लबको काम, कर्तव्य र जिम्मेवारी सम्बन्धि छलफल गरेर वार्षिक कार्य योजना पनि तयार पारेको जनाईएको छ ।
यस्तै साँफेबगर नगरपालिका ७ रिडिकोट स्थित सरस्वति आधारभुत विद्यालयमा पनि शैक्षिक सामाग्रिहरु वितरण गरिएको छ ।
विद्यालयले छनोट गरेका गरिब परिवार, दलित तथा जेहेन्दार विद्यार्थीलाई शैक्षिक सामाग्रि वितरण गरेको सामाजिक परिचालक जनक खड्का स्वारले बताउनु भयो ।
उक्त विद्यालयमा अध्यनरत विद्यार्थीहरुलाई ५ हजार ६ सय बराबरका शैक्षिक सामाग्रि वितरण गरिएको हो ।
