समुदायमा बाल संरक्षणका सवालमा छलफल तथा अन्तरक्रिया

स्थानीय समाचार

Home
स्थानीय समाचार
समुदायमा बाल संरक्षणका सवालमा छलफल तथा अन्तरक्रिया

समुदायमा बाल संरक्षणका सवालमा छलफल तथा अन्तरक्रिया

खप्तड समाचारदाता बिहीबार, कात्तिक १९, २०८३

साँफेबगर।

अछामको साँफेबगरमा समुदायमा रहेका बाल संरक्षण सम्बन्धी सवालहरुमा छलफल तथा अन्तरक्रिया कार्यक्रम सम्पन्न भएको छ।

आस्था नेपालको आयोजनामा तथा वर्ल्ड भिजन नेपालको सहयोगमा बिहीबार साँफेबगरमा कार्यक्रम आयोजना गरिएको हो।

कार्यक्रममा स्थानीय महिला, अभिभावक तथा समुदायका सदस्यहरुको सहभागिता रहेको थियो। कार्यक्रममा समुदायमा बालबालिकाको संरक्षण, उनीहरुको अधिकार र बालबालिकाले भोग्नु परेका समस्या तथा चुनौतीका विषयमा छलफल गरिएको थियो।

यस्तै समुदाय स्तरमा बढ्दै गरेको सामाजिक सञ्जालको दुरुपयोग, लागू पदार्थ दुर्व्यसन न्यूनीकरणका लागि समुदाय स्तर तथा आफ्नो घर टोलबाटै सम्झाई बुझाई तथा सकारात्मक अभिभावकत्व प्रदान गर्ने सरोबकारवालाको भनाई रहेको थियो।

बालबालिकाको सुरक्षित वातावरणमा हुर्कन पाउने अधिकार सुनिश्चित गर्न परिवार, समुदाय र सरोकारवाला निकाय बीच सहकार्य आवश्यक रहेको विषयमा पनि जोड दिईएको थियो।

समुदाय स्तरमा बाल संरक्षणका सवाल पहिचान गरी समाधानका उपाय खोज्ने र बालबालिका प्रति जिम्मेवार वातावरण निर्माण गर्ने उद्धेश्यले कार्यक्रम आयोजना गरिएको हो।