अछाममा एसइई परीक्षामा दुई छात्राको नतिजा उत्कृष्ट

स्थानीय समाचार

Home
स्थानीय समाचार
अछाममा एसइई परीक्षामा दुई छात्राको नतिजा उत्कृष्ट

अछाममा एसइई परीक्षामा दुई छात्राको नतिजा उत्कृष्ट

साँफेबगर ।

अछाममा यस वर्ष एसइई परीक्षामा दुई जना छात्रा उत्कृष्ट हुनु भएको छ । अछामको साँफेबगर नगरपालिका वडा नम्बर ३ शिद्धेश्वर स्थित किण्डर गार्डन एकेडेमीका छात्रा एलिशा कुँवर र मेल्लेख गाउँपालिका वडा नम्बर ८ हात्तिकोट स्थित कालिका माध्यामिक विद्यालयका छात्रा भावना सावदले अछाम जिल्लामै उत्कृष्ट जिपिए ल्याउनु भएको हो ।

एलिशा कुँवर र भावना सावदले समान ३.९० प्रतिशत ल्याएको शिक्षा विकास तथा समन्वय इकाई अछामका प्राविधिक सहायक सुरेन्द्र बज्गाईले जानकारी दिनु भयो । अछामबाट २०८१ को एसइई परीक्षामा सहभागी मध्ये कुँवर र सावद सर्वाधिक जिपिए हासिल गर्ने विद्यार्थी भएको शिक्षा विकास तथा समन्वय इकाईका अछामका प्रमुख अम्वादत्त जोशीले जानकारी दिनुभयो । अघिल्लो वर्षमा पनि किण्डर गार्डन एकेडेमीका छात्र बिप्लव कुँवरले सर्वाधिक जिपिए हासिल गर्नु भएको थियो ।

एलिशा कुँवर पढाई तथा अतिरिक्त क्रियाकलापमा समेत अब्बल रहेको विद्यालयका सञ्चालक पृथ्वी कुँवरले जानकारी दिनुभयो । विद्यार्थी, स्कुलका शिक्षक विद्यालयमा राम्रो वातावरण पाएकाले उत्कृष्ट नतिजा हासिल गर्न सकेको उहाँको भनाई रहेको छ । सानै देखि पढाईमा अब्बल र अनुशासित रहेको कुँवरका वुवा ज्ञानेन्द्र कुँवरले जानकारी दिनुभयो । छोरीले अछाम टप गर्दा उत्साहित बनाएको बताउनुभयो ।

यस्तै छोरी जिल्लामै उत्कृष्ट हुँदा छोरी माथि गरेको लगानी सफल भएको भावना सावदका वुवा महाजन सिंह सावदको भनाई रहेको छ । मेहनत गर्ने हो भने सामुदायिक विद्यालयका विद्यार्थीको नतिजा राम्रो हुने कुरा यसले प्रमाणित गरेको उहाँको भनाई रहेको छ ।
विद्यालयका प्रधानाध्यापक नरेश साउँदले नतिजा आशातित रहेको र विद्यार्थी तथा शिक्षकहरुको मेहनतको परिणाम भएको बताउनुभयो । यसले आफूहरुलाई निकै खुसी बनाएको बताउनु भयो ।

अछाम जिल्लामै नै कालिका मावि उत्कृष्ट हुनु भनेको गाउँपालिकाको शैक्षिक अभियानलाई यसले सहयोग पु¥याएको शिक्षा युवा तथा खेलकुद शाखा प्रमुख विरेन्द्र बहादुर खड्काको भनाई रहेको छ । अझै मेहनत र उत्कृष्ट नतिजा ल्याउनको लागि मद्धत पुगेको जानकारी दिनुभयो । साधनस्रोतको अभावमा विद्यालय चलाउनु परेको अवस्थामा यस्तो अवस्थामा सामुदायिक विद्यालयको नतिजा सुधारले खुसी तुल्याएको शाखा प्रमुख खड्काको भनाई रहेको छ ।