साँफेबगर ।
नेपालका चार धाम मध्येको एक अछामको वैद्यनाथ धाममा आयोजना भएको वैद्यनाथ कोटिहोम महायज्ञ जारी रहको छ। वैद्यनाथ वेदविद्याश्रमको स्तरोन्नति गरि आयुर्वेद मावि बनाउने, वैद्यनाथ क्षेत्रको विश्वव्यापी प्रचार–प्रसार गर्ने तथा वैद्यनाथ क्षेत्रको धार्मिक पर्यटकीय विकास गर्ने आदि उद्धेश्यले संचालन गरिएको कोटिहोममा दैनिक भजनकृतन, विशाल झाँकी प्रदर्शन, बेलुकी महाआरती विशेष हवन, ध्यान, कथा प्रवचन, विशेष प्रवचनहरू, भक्ति संगीत र झाँकी आदी कार्यक्रमहरू भई रहेका छन्।
चौथो दिनका सभा नायक अछामको पञ्चदेवल विनायक नगरपालिका वडा नम्बर ४ कुच्ची निवासी योगेन्द्र बहादुर बिष्ट रहनु भएको थियो। यस्तै चौथो दिनका प्रमुख कथा वाचक महेश सन्यास आश्रम देवघाटका पिठाधिस परमपुज्यनीय प्रातस्मरणीय परम्वन्दनीय पुज्यपाद १००८ स्वामी रमणानन्द गिरी जी महाराज रहनु भएको थियो। यस्तै नेपाल सन्त समाजका अध्यक्ष हरीहर सन्यास आश्रम देवघाटका पिठाधिस परमपुज्यनीय प्रातस्मरणीय परम्वन्दनीय पुज्यपाद १००८ स्वामी ज्ञानानन्द सरस्वती जी महाराज रहनु भएको थियो।
यस्तै चौथो दिनमा सबै भन्दा बढी दान गर्ने दानबीर अछामको पञ्चदेवल विनायक नगरपालिका वडा नम्बर ४ कुच्ची निवासी योगेन्द्र बहादुर बिष्टले एक लाख ११ हजार एक सय ११ रुपैयाँ दान गर्नु भएको थियो। यस्तै काठमाण्डौं निवासी कृति कुमार केसीले ५१ हजार ५ सय १५ रुपैयाँ, उत्तम ओझाले ५१ हजार एक सय १५ रुपैयाँ र चौरपाटी गाउँपालिका वडा नम्बर ५ लुंग्रा निवासी खडक बहादुर खड्काले ५१ हजार एक सय ११ रुपैयाँ दान गर्नु भएको छ।
कोटिहोमले वैद्यनाथको प्रचार–प्रसार र विकासमा टेवा पुग्ने अपेक्षा गरिएको छ। कोटिहोमले देशमा शान्ति, एकता, मेलमिलाप र सद्भाव समेत कायम हुने कोटिहोम मुल आयोजक समितिका अध्यक्ष शेर बहादुर कुँवरले बताउनु भयो।
उहाँले कोटिहोमको व्यवस्थापनलाई थप बजबुद बनाईएको र दिनप्रतिदिन दाता तथा श्रदालु भक्तलुजनहरु पनि आई रहेको र सबैलाई आउन पनि आग्रह गर्नु भएको छ।
बिहीबारबाट सुरु भएको कोटिहोम फागुन २५ गते महाशिवरात्री मेला सम्म चल्ने छ।
