लैंगिक हिंसा रोकथामका लागि समुदाय स्तरीय छलफल खैरीगडा सामुदायिक वन उपभोक्ता समुहमा सम्पन्न

स्थानीय समाचार

Home
स्थानीय समाचार
लैंगिक हिंसा रोकथामका लागि समुदाय स्तरीय छलफल खैरीगडा सामुदायिक वन उपभोक्ता समुहमा सम्पन्न

लैंगिक हिंसा रोकथामका लागि समुदाय स्तरीय छलफल खैरीगडा सामुदायिक वन उपभोक्ता समुहमा सम्पन्न

Khairigada.jpg

साँफेबगर।

लैंगिक विभेदमा आधारित हिंसा रोकथाम र प्रतिकार्य परियोजना अन्तरगत दोस्रो चरण अन्तरगत लैंगिक हिंसा रोकथामका लागि समुदाय स्तरीय छलफल कार्यक्रम साँफेबगर नगरपालिका वडा नम्बर ७ रिडिकोट स्थित खैरीगडा सामुदायिक वन उपभोक्ता समुहमा सम्पन्न भएको छ।

युएनएफपीएको आर्थिक सहयोग, भिएसओ र पीसविन नेपालको सहयोगमा छलफल सम्पन्न भएको हो। छलफलका क्रममा लैंगिक विभेदमा आधारित हिंसा रोकथाम र प्रतिकार्य परियोजना अन्तरगत दोस्रो चरणको बारेमा जानकारी लैंगिक तथा सामाजिक मुल्य मान्यता रुपान्तरण सम्बन्धि अन्तरक्रियाका बारेमा छलफल भएको थियो।

लिंग र लैंगिकता, लैंगिक विभेदमा आधारित हिंसा, हिंसाका प्रकार, असर र परिणामहरु असमान शक्ति सम्बन्ध र यसका कारण हुने लैंगिक हिंसा रेफरल निकाय र स्थानीय लैंगिक हिंसा निवारण कोष सम्बन्धि छलफल गरिएको थियो। यस्तै छलफलमा हिंसा रोकथाम गर्ने र हिंसा प्रभावितहरुलाई सहयोग गर्ने समुदायमा आधारित संघ संस्थाहरुको भुमिका र जिम्मेवारी लगाएतका विषयमा छलफल भएको थियो।

खैरीगडा सामुदायिक वन उपभोक्ता समुहका सचिव पवन कडायतको अध्यक्षतामा भएको छलफल कार्यक्रमका प्रमुख अतिथि साँफेबगर नगरपालिका वडा नम्बर ७ रिडिकोटका वडा अध्यक्ष हिक्मत कडायत रहनु भएको थियो।

यस्तै छलफलमा समाजसेवी कालु सिंह कुमल, महिला स्वास्थ्य स्वयम सेविका भागि कडायत, रतन कुमाल खैरीगडा सामुदायिक वन उपभोक्ता समुहका पदाधिकारीहरुको सहभागिता रहेको थियो। छलफलको सहजीकरण पीसविनका सामुदायिक स्वयम सेवक विदुर रावल र एकेन्द्र महताले गर्नु भएको थियो।

प्रकाशित मिति: आइतबार, कात्तिक १९, २०८० १३:०७

प्रतिक्रिया दिनुहोस्