धनगढी–दीपायल द्रुतमार्गको काम सुस्त, ६ पुलको ठेक्का सम्झौता

पर्यटन

Home
पर्यटन
धनगढी–दीपायल द्रुतमार्गको काम सुस्त, ६ पुलको ठेक्का सम्झौता

धनगढी–दीपायल द्रुतमार्गको काम सुस्त, ६ पुलको ठेक्का सम्झौता

259032197_1404850859971576_82627887558459577_n.jpg

धनगढी ।

कैलालीको धनगढीदेखि दीपायल जोड्ने द्रुतमार्गमा ६ ओटा पुल निर्माणका लागि ठेक्का सम्झौता भएको छ। द्रुतमार्गको कैलाली खण्डमा चार र डोटी खण्डमा दुई पुल निर्माणका लागि माघ १६ गते ठेक्का सम्झौता भएको हो।
द्रुतमार्ग योजनाका प्रमुख लक्ष्मण रावलले एक हप्ताभित्र पुल निर्माणको काम सुरु हुने बताए। ‘पुल निर्माणका लागि सम्झौता भएको छ,’ उनले भने, ‘हामी एक हप्ताभित्र पुल निर्माणको काम सुरु गर्छौ।’ सडकको ट्रयाक निर्माणको काम अलपत्र परेका बेला पुल निर्माणको ठेक्का भएको हो।
उक्त क्षेत्रमा तीन किलोमिटर सडकको ट्रयाक भने खोलिएको छैन। धनगढी–खुटिया–दिपायल आयोजना कार्यालयका सूचना अधिकारी दिनेश रैखोलाले कैलाली खण्डमा तीन किलोमिटर सडकको मात्र ट्रयाक निर्माण बाँकी रहेको बताए। ‘धनगढी–दिपायल सडकको कैलालीतर्फ तीन किलोमिटर मात्र ट्रयाक खोल्न बाँकी छ,’ उनले भने, ‘अरु सडक मर्मत गर्ने, स्तरवृद्धि, नाली निर्माणको काम हुँदैछ।’ उनका अनुसार केही ठाउँमा कालोपत्रेको काम पनि भएको छ।
बर्सातको पानीले भत्काएको क्षेत्रमा सडक मर्मतको काम जारी रहेका योजना प्रमुख रावलले बताए। ‘पहिले ट्रयाक खोलिएको सडक सफाई गर्ने काम हुँदैछ,’ उनले भने, ‘तीन किलोमिटर भने ट्रयाक खोल्न बाँकी छ। चौडाई बढाउने, नाली निर्माण गर्ने, कालोपत्रे गर्ने काम पनि जारी छ। कैलालीमा १३ दशमलव ४ र डोटीमा ९ दशमलव ४ किलोमिटर कालोपत्रेका लागि गत वर्षको माघ अन्तिम साता ठेक्का भएको थियो। उक्त ठेक्कामा नाली निर्माणको काम पनि पूरा भएको छैन। चर्चा सुरु भएको १३ वर्ष बितिसक्दासमेत सडकको ट्रयाक खोल्न पनि बाँकी रहेपछि डोटीका जनता भने निराश छन्। २०६५ सालमा धनगढीका केही युवाहरुले विभिन्न संस्थाहरुको सहयोगमा खुटियादेखि दीपायल जोड्ने कडकको सर्भे गरेका थिए। धनगढी–डडेल्धुरा–डोटीको सडकभन्दा आधा छोटो हुने देखिएपछि द्रुत मार्गको रुपमा अगाडि बढाइएको छ। उपभोक्ता समितिमार्फत उक्त सडक निर्माण गर्न सम्भव नभएपछि नेपाल सरकारले नै २०६६र०६७ बाट बजेटमा उक्त योजना समावेस गरेको थियो। त्यस यताका अधिकांश बजेटमा उक्त आयोजनाले स्थान पायो तर कामले भने गति लिन नसकेको हो। कहिले फास्ट ट्रयाक त कहिले सुरुङ मार्गको सपना देखाएर स्थानीयलाई झुक्याउने काम मात्रै भएको छ।

प्रकाशित मिति: मंगलबार, फागुन ३, २०७८ १४:२३

प्रतिक्रिया दिनुहोस्