महिला जनप्रतिनिधिहरुको नेतृत्व क्षमता विकास सम्बन्धी दुई दिने कार्यशाला सुरु

स्थानीय समाचार

Home
स्थानीय समाचार
महिला जनप्रतिनिधिहरुको नेतृत्व क्षमता विकास सम्बन्धी दुई दिने कार्यशाला सुरु

महिला जनप्रतिनिधिहरुको नेतृत्व क्षमता विकास सम्बन्धी दुई दिने कार्यशाला सुरु

साँफेबगर ।

महिला जनप्रतिनिधिहरुको नेतृत्व क्षमता विकास गर्ने उद्धेश्यले अछामको साँफेबगरमा दुई दिने कार्यशाला गोष्ठी सुरु भएको छ। महिला जनप्रतिनिधिहरुका लागि नेतृत्व क्षमता विकास सम्बन्धी कार्यशाला गोष्ठी यही असोज १ गते देखि २ गतेसम्म सञ्चालन हुने जनाईएको छ।

बुढीगंगा नगरपालिका बाजुरा र मेल्लेख गाउँपालिका अछामको समन्वयमा सुरु कार्यशालाको आर्थिक सहयोग जर्मन कोअपरेसन र करुणा संस्थाले गरेका छन्। रीड नेपालद्वारा सञ्चालित गरिमा–२ परियोजनाको आयोजनामा कार्यक्रम हुन लागेको हो।

कार्यशालामा बुढीगंगा नगरपालिका बाजुराका महिला जनप्रतिनिधि, अछामको मेल्लेख गाउँपालिकाका महिला जनप्रतिनिधि, र मेल्लेखका वडा स्तरीय महिला संजालका प्रतिनिधिहरुको सहभागिता रहेको छ। कार्यशालाको मुख्य उद्धेश्य महिला जनप्रतिनिधिहरुको नेतृत्व क्षमता विकास, स्थानीय तहमा प्रभावकारी भूमिका निर्वाह तथा नेतृत्व सम्बन्धी ज्ञान र सीप अभिवृद्धि गर्नु रहेको छ।

ग्रीनतारा नेपालका कार्यकारी निर्देशक रामचन्द्र सिलवालको अध्यक्षतामा भएको कार्यशालामा तालिम प्रबन्धक तथा प्रशिक्षकको रुपमा रिड नेपालका केशवदेव गिरी सहभागी हुनु हुन्छ।