बागभिडि पिपलतोला युवा समूहद्वारा विद्यार्थीलाई निःशुल्क पोशाक र परिचय पत्र वितरण

स्थानीय समाचार

Home
स्थानीय समाचार
बागभिडि पिपलतोला युवा समूहद्वारा विद्यार्थीलाई निःशुल्क पोशाक र परिचय पत्र वितरण

बागभिडि पिपलतोला युवा समूहद्वारा विद्यार्थीलाई निःशुल्क पोशाक र परिचय पत्र वितरण

साँफेबगर ।

अछामको साँफेबगर नगरपालिका वडा नम्बर २ स्थित श्री बुढीगंगा आधारभूत विद्यालयमा अध्ययनरत विद्यार्थीलाई बागभिडि पिपलतोला युवा समूहले निःशुल्क विद्यालय पोशाक तथा विद्यार्थी परिचय पत्र वितरण गरिएको छ।

युवा समूहका संयोजक मनिश बुढाको नेतृत्वमा आयोजित कार्यक्रममा विद्यालय व्यवस्थापन समिति अध्यक्ष विनोद विकको अध्यक्षता तथा वडा अध्यक्ष सेत बहादुर कुँवरको प्रमुख आतिथ्यता रहेको थियो। कार्यक्रममा पूर्व गाविस अध्यक्ष सागर सिंह कुँवर विशिष्ट अतिथिका रुपमा उपस्थित हुनु भएको थियो।

कार्यक्रममा बैजनाथ प्रहरी चौकीका प्रतिनिधि, विद्यालय व्यवस्थापन समितिका पदाधिकारी, शिक्षक–शिक्षिका, अभिभावक तथा स्थानीयवासीको सहभागिता रहेको थियो। कार्यक्रमको सञ्चालन नेत्र परियारले गर्नु भएको थियो।

कार्यक्रममा बोल्दै अतिथिहरुले आर्थिक रुपमा कमजोर परिवारका बालबालिकालाई शिक्षामा सहज पहुँच पुर्‍याउन र विद्यार्थीलाई अध्ययन प्रति थप उत्साहित बनाउन यस्ता सहयोग महत्वपूर्ण हुने बताउनु भयो।

युवाहरुले सामाजिक उत्तरदायित्व निर्वाह गर्दै शिक्षा क्षेत्रमा गरेको सहयोग प्रशंसनीय रहेको उहाँहरुको भनाई थियो। युवा समूहको सहयोग पछि विद्यार्थीमा उत्साह थपिएको विद्यालय परिवारले जनाएको छ।

विद्यार्थी तथा अभिभावकले सहयोगका लागि युवा समूह प्रति आभार व्यक्त गरेका छन्। कार्यक्रमको संयोजन युवा समूहका संयोजक मनिश बुढाले गर्नु भएको थियो।

प्रकाशित मिति: आइतबार, भदौ ७, २०८३ १४:३४

प्रतिक्रिया दिनुहोस्