मंगलसेन ।
टेकराज भण्डारी, अछामको मंगलसेन नगरपालिका वडा नम्बर ६ स्थित गंगा माध्यमिक विद्यालयमा समग्र शैक्षिक अवस्थाका बारेमा वृहत अन्तरक्रिया गरिएको छ। विद्यालयकाे समग्र शैक्षिक अवस्थाका बारेमा विद्यालय व्यवस्थापन समिति, शिक्षक अभिभावक संघ, अभिभावक, शिक्षक तथा सराेकारवालासंग अन्तरक्रिया गरिएको हाे।
विद्यालय व्यवस्थापन समितिका जेष्ठ सदस्य पवित्रा भण्डारीकाे अध्यक्षतामा भएको अन्तरक्रियामा मंगलसेन नगरपालिका ६ का वडा अध्यक्ष देवेन्द्र प्रसाद भण्डारी रहनु भएको थियोे। प्रमुख अतिथि भण्डारीले विभिन्न समस्या र अभावका बावजुद विद्यालयमा हाल कक्षा ११/१२ सञ्चालन गरिएको र समस्या समाधानका लागि वडा कार्यालयबाट सक्दाे सहयोग गरि रहेकाे बताउनु भयो।
वडा कार्यालयले नगरपालिकाबाट पनि आवश्यक सहयोगका लागि समन्वय गरि रहेकाे अध्यक्ष भण्डारीको भनाई रहेको छ। कार्यक्रमकाे सहजीकरण तथा विद्यालयका गतिविधि बारे विद्यालयका प्रधानाध्यापक माेतिराम भण्डारीले पछिल्लो समय विद्यालयले शैक्षिक गुणस्तर वृद्धिमा सफलता हाँसिल गरि रहेकाे बताउनु भयो।
गत शैक्षिक सत्रमा एसईई र कक्षा ८ काे परिक्षामा पनि गंगा माविले उत्कृष्ट नतिजा हाँसिल गरेकाे जानकारी गराउनु भयाे। सराेकालवालाहरुले विद्यालयकाे समग्र शैक्षिक गुणस्तर वृद्विका लागि आफ्नाे तर्फबाट सहयोग गर्ने प्रतिवद्वता समेत जनाएका छन्।
बालबालिकालाई शैक्षिक सामग्री (कापी, पेन्सिल, कलम, झाेला, ड्रेस) सहित नियमित विद्यालय पठाउने, गृहकार्य र सिकाईका लागि घरमा वातावरण बनाउने, विद्यार्थीलाई नियमित सिकाई तथा पठनपाठनमा शिक्षकहरुले प्रतिवद्वताका साथ सिकाई गराउने, नियमित विद्यालय पठाउने प्रतिवद्वता जनाएका छन्।
यस्तै अन्तरक्रिया मार्फत विद्यालयसंग सम्बन्धित कुराका विषयमा विद्यालयमा आएर प्रअ तथा शिक्षकसंग कुरा राख्ने, विद्यालयका लागि रचनात्मक तथा सिर्जनात्मक सुझाव सल्लाह प्रदान गर्ने, विद्यालयमा आई आफ्नाे बालबालिकाकाे पठनपाठन, सिकाई, सहभागीता लगायतका विषयमा जानकारी लिने अभिभावककाे भनाई रहेको छ।
कार्यक्रममा मंगलसेन नगरपालिका वडा नम्बर ६ का वडा सदस्य जन्मराज भण्डारी, सरिता भण्डारी, जैसरा नेपाली, पूर्व वडा सदस्य नरपति भण्डारी, राजु देवि भण्डारी लगायतको सहभागीता रहेकाे विद्यालयका सूचना अधिकारी टेकराज भण्डारीले जानकारी दिनु भयो।
