गुनासो सुनुवाई संयन्त्र स्थापना तथा व्यवस्थापन विषयक तीन दिने तालिम सुरु

स्थानीय समाचार

Home
स्थानीय समाचार
गुनासो सुनुवाई संयन्त्र स्थापना तथा व्यवस्थापन विषयक तीन दिने तालिम सुरु

गुनासो सुनुवाई संयन्त्र स्थापना तथा व्यवस्थापन विषयक तीन दिने तालिम सुरु

साँफेबगर।

गुनासो सुनुवाई संयन्त्र स्थापना तथा व्यवस्थापन विषयक तीन दिने तालिम साँफेबगरमा सुरु भएको छ। वल्र्ड भिजन ईन्टरनेशनल नेपालको साझेदारी तथा आस्था नेपालद्धारा सञ्चालित हातेमालो बाल कल्याण परियोजनाको सहयोग र मेल्लेख गाउँपालिका र साँफेबगर नगरपालिका शिक्षा शाखाको समन्वयमा तालिमको आयोजना गरिएको हो।

विद्यालयमा गुनासो सुनुवाई संयन्त्रको स्थापना र यसको व्यवस्थापन बारे सहभागीहरूको बुझाईमा एक रूपता ल्याउने र बालमैत्री गोपनीय तरिकाले गुनासो प्राप्त गर्ने, अभिलेखीकरण गर्ने र सम्बोधन गर्ने सीपहरू सहभागीहरूलाई प्रदान गर्ने तालिमको उद्धेश्य रहेको जनाईएको छ।

यस्तै विद्यालयका सरोकारवालाहरू बीच जवाफदेहिता पारदर्शिता र विश्वास प्रवद्र्धन गर्न फोकल शिक्षकहरूको क्षमता सुदृढ गर्ने र विद्यालयमा गुनासो सुनुवाई कार्यान्वयनका लागि आचार संहिता निर्माण र सकारात्मक अनुशासनका केही सीपहरू सिक्ने उद्धेश्यले तालिमको आयोजना गरिएको हो।

तालिममा साँफेबगर नगरपालिका वडा नम्बर ४ का तीनवटा र मेल्लेख गाउँपालिकाका १५ वटा गरी १८ वटा विद्यालयका प्रधानाध्यापक र फोकल शिक्षकहरुको सहभागिता रहेको छ। तालिमको सहजिकरण मेल्लेख गाउँपालिका शिक्षा शाखाका प्रमुख विरेन्द्र बहादुर खड्काले गरि रहनु भएको छ। आस्था नेपालका जिल्ला कार्य समिति सदस्य गंग बुढाको अध्यक्षतामा भएको तालिम उद्घाटन कार्यक्रमका प्रमुख अतिथि साँफेबगर नगरपालिका वडा नम्बर ४ का वडा अध्यक्ष नवराज बुढा रहनु भएको थियो।

तालिमको उद्धेश्यको बारेमा वल्र्ड भिजनका जिल्ला संयोजक मिन बहादुर थापाले जानकारी गराउनु भएको थियो। आस्था नेपाल परियोजना संयोजक हर्क बहादुर बलायरले स्वागत मन्तव्य राख्नु भएको तालिम उद्घाटन कार्यक्रमको सञ्चालन आस्था नेपालका भ्वान सिंह सार्कीले गर्नु भएको थियो।