अछाम
मेरोमाईक्रो फाईनानन्स वित्तीय संस्था लिमिटेड साँफेबगर शाखाको वार्षिक केन्द्र प्रमुख गोष्ठि तथा वित्तीय साक्षरता अभिबृद्धि कार्यक्रम साँफेबगरमा सम्पन्न भएको छ। मंगलबार मेरो माईक्रो फाईनानन्स वित्तीय संस्था लिमिटेड साँफेबगर शाखाका शाखा प्रबन्धक नविन कुमार शाहको अध्यक्षतामा भएको कार्यक्रमका प्रमुख अतिथि मेरोमाईक्रो फाईनानन्स वित्तीय संस्था लिमिटेडका केन्द्रीय जनशक्ति तथा मानव संसाधन विभाग प्रमुख कृष्ण गैरे रहनु भएको थियो।
प्रमुख अतिथि गैरेले देशमा भएको आथिक मन्दिका कारण भएको असुविधा प्रति क्षमा माग्नु भएको थियो। उहाँले उद्यमशिलता विकासको लागि वित्तीय साक्षरता कार्यक्रम संचालन गर्ने, आगामि दिनमा वित्तीय साक्षरता कार्यक्रमहरु स्कुल, कलेज देखि उद्यमशिलतामा लागेका उद्यमीहरुलाई पनि दिईने बताउनु भयो। उहाँले वित्तीय साक्षरता मार्फत विद्यार्थीलाई बचत गर्ने बानीको विकास गर्नु पर्ने, बैंक तथा वित्तीय संस्थाहरुले प्रदान गर्ने सेवा सुविधाहरुका बारेमा पनि जानकारी दिदै आएको बताउनु भयो।
वित्तीय पहुँच, कर्जा, बचत, बीमाका बारेमा वित्तीय साक्षरता मार्फत समुदायमा जानकारी गराउँदै आएको उहाँले बताउनु भयो। यस्तै कार्यक्रमका विशिष्ठ अतिथि मेरोमाईक्रो फाईनानन्स वित्तिय संस्था लिमिटेडका केन्द्रीय अनुगमन अधिकृत कृष्ण प्रसाद उप्रेति र गणेश प्रसाद पुडासैनी रहनु भएको थियो। कार्यक्रममा मेरोमाईक्रो फाईनानन्स वित्तिय संस्था लिमिटेड साँफेबगर शाखामा १ सय २० सेन्टर, ३ सय ७५ समुह रहेको र १ हजार ७ सय ६५ जना समुहका सदस्य रहेको जनाईएको छ।
शाखाको हाल सम्मको बचत ३ करोड ४३ लाख ८५ रुपैयाँ, हाल सम्म करोड ५६ लाख ९ सय १९ रुपैयाँ ऋण लगानी र २१ लाख ५५ हजार रुपैयाँ नाफा रहेको जनाईएको छ। कार्यक्रम मार्फत समुहका रही उत्कृष्ट काम गर्ने समुहलाई नगर, प्रमाण–पत्र र दोसल्ला सहित सम्मान गरीएको थियो। कार्यक्रममा खप्तड पुरुष समूहका अध्यक्ष रमन भट्ट सहित गाउँपालिका तथा नगरपालिकामा गठित समूहहरुका अध्यक्षहरुको उपस्थिति रहेको थियो।
मेरोमाईक्रो फाईनानन्स वित्तिय संस्था लिमिटेड साँफेबगर शाखाका कनिष्ठ सहायक राज कुमार कुँवर र पारु भण्डारीको पनि उपस्थिती रहेको थिाये । शाखाकी ललिता कुँवर रावलले स्वागत मन्तव्य राख्नु भएको कार्यक्रमको संचालन शाखाका गादिराज बुढाले गर्नु भएको थियो।
