साँफेबगर ।
नेपाल कम्युनिष्ट पार्टी एमाले साँफेबगरको प्रथम नगरपालिका अधिवेशन प्रतिनिधि परिषद् तथा वार्षिक कार्ययोजना गोष्ठी विभिन्न निर्णय गर्दै साँफेबगरमा सम्पन्न भएको छ । गोष्ठी नेपाल कम्युनिष्ट पार्टी एमाले साँफबेगर नगर संगठन कमिटी अध्यक्ष हिरिण्ड बहादुर कुँवरको अध्यक्षतामा भएको थियो ।
गोष्ठीमा नेकपा एमाले जिल्ला कमिटी उपाध्यक्ष तिलक कुँवरले वार्षिक कार्ययोजना सम्बन्धि कार्यपत्र प्रस्तुत गर्नु भएको थियो । गोष्ठीमा उक्त कार्ययोजना सम्बन्धि कार्यपत्र माथि छलफल र कार्यपत्रले निर्दिष्ट गरेका योजना र कार्यक्रम लागू हुने गरी साँफेबगरको वार्षिक कार्ययोजना निर्माण गरी कार्यान्वयन गर्ने निर्णय गरिएकोे छ ।
यस्तै रिक्त रहेको सचिव पदको जिम्मेवारी मुकेश कुँवरलाई दिईएको जनाईएको छ । गोष्ठीका प्रमुख अतिथि नेकपा एमाले सुदूरपश्चिम प्रदेश कमिटी सचिवालय सदस्य तथा प्रदेश निर्वाचन क्षेत्र नम्बर १ का इन्चार्ज मिन बहादुर कुँवर रहनु भएको थियो ।
यस्तै गोष्ठीमा नेकपा एमाले सुदूरपश्चिम प्रदेश कमिटी सदस्य तथा साँफबेगर इन्चार्ज पशुपति कुँवर, केन्द्रीय विभाग सदस्य देव बहादुर कुँवर, जिल्ला कमिटी उपाध्यक्ष तिलक कुँवर, जिल्ला कमिटी सदस्य राधिका भुजेल, पुष्पराज भट्ट, रुप बहादुर कुँवर, सुरत भुल, रेबन्त कुँवर, जितेन्द्र कुँवर, बिरु सुनार, श्याम रावल, पवन गिरी, वडा कमिटीका अध्यक्षहरु, विभिन्न जनवर्गिय संगठनमा आवद्ध पदाधिकारीहरुको सहभागिता रहेको थियो । गोष्ठीको संचालन नगर कमिटी उपसचिव जानकी लोहारले गर्नु भएको थियो ।
