मंगलसेन ।
अछाममा एसइई ग्रेड वृद्धि परीक्षाको तयारी पूरा भएको छ। श्रावण २९ अर्थात भोली देखि सुरु हुने एसइई ग्रेड वृद्धि परीक्षा सञ्चालनका लागि सम्पूर्ण तयारी पूरा भएको हो।
शिक्षा विकास तथा समन्वय इकाई अछामले परीक्षाका लागि आवश्यक सबै तयारी पूरा भएको जनाएको छ। यस वर्षको एसइई ग्रेड वृद्धि परिक्षामा अछाम जिल्लाबाट ९ सय १९ छात्र तथा १ हजार ३ सय ३९ जना छात्रा गरी जम्मा २ हजार १ सय ५७ जना विद्यार्थी सहभागी हुने शिक्षा विकास तथा समन्वय इकाई अछामका सूचना अधिकारी सुरेन्द्र बजगाईँले जानकारी दिनु भएको छ।
जिल्लामा २ हजार ५ सय १४ जना ननग्रेड विद्यार्थी भएपनि परिक्षाको लागि २ हजार १ सय ५७ जना विद्यार्थीले मात्र फारम भरेको सुचना अधिकारी बजगाईँले बताउनु भएको छ।
जिल्लामा परिक्षा सञ्चालनको लागि ९ वटा परिक्षा केन्द्र तोकिएका छन्। जाल्पा देवी माध्यामिक विद्यालय ढाँकु, विद्यामन्दि माध्यामिक विद्यालय विनायक, नेपाल राष्ट्रिय माध्यामिक विद्यालय चाफामाण्डौ, यशोदा माध्यामिक विद्यालय नेटाकोट, कालिकेश्वरी माध्यामिक विद्यालय तुर्माखाँद, राधा माध्यामिक विद्यालय बोगटीगाउँ, षोडशा देवी माध्यामिक विद्यालय मंगलसैन, जनकल्याण माध्यामिक विद्यालय साँफेबगर र सूर्यचन्द्र माध्यामिक विद्यालय कालीमाटीलाई परीक्षा केन्द्र तोकिएको छ। पहिलो दिन अंग्रेजी विषयको परीक्षा हुनेछ।
परिक्षालाई व्यवस्थित, मर्यादित, निष्पक्ष, भय रहित र शान्तिपूर्ण वातावरणमा सञ्चालन गर्न परीक्षामा खटिने केन्द्राध्यक्षलाई शिक्षा विकास तथा समन्वय इकाई अछामले निर्देशन दिएको छ।
