निःशुल्क यातायात सुविधा

स्थानीय समाचार

Home
स्थानीय समाचार
निःशुल्क यातायात सुविधा

निःशुल्क यातायात सुविधा

साँफेबगर ।

अछामको मेल्लेख गाउँपालिका–५ विन्देवासिनीले वृद्धवृद्धा र अशक्तलाई निःशुल्क यातायात सुविधा उपलब्ध गराउँदै आएको छ । जेष्ठ नागरिक, एकल महिला र ख वर्ग अपाङ्गता भएका व्याक्तिको राष्ट्रिय परिचय पत्र बनाउन जाने नागरिकलाई निःशुल्क यातायात सेवा दिईएको हो ।

नागरिकता राष्ट्रिय परिचय पत्र बनाउन मंगलसेन जानु पर्ने खर्चलाई मध्ये नजर गरे उक्त सेवा दिन थालेको हो । सरकारले राष्ट्रिय परिचय पत्रका आधारमा मात्र सामाजिक सुरक्षा भत्ता उपलब्ध गराउन स्थानीय तहहरुलाई निर्देशन दिएको छ । योसंगै सामाजिक सुरक्षा भत्ता पाउने जेष्ठ नागरिकहरुले आफ्नो परिचय पत्र बनाउन जिल्ला सदरमुकाम मंगलसेन धाउनु पर्ने बाध्यता रहेको छ । यो बाध्यतालाई मध्येनजर गरी वडा कार्यालयले जेष्ठ नागरिक, एकल महिला र ख वर्ग अपाङ्गता भएका व्याक्तिहरुको राष्ट्रिय परिचय पत्र बनाउन मंगलसेन जानु पर्ने खर्चलाई मध्ये नजर गरे उक्त सेवा दिन थालेको हो ।

राष्ट्रिय परिचय पत्र बनाउन बाँकी रहेका जेष्ठ नागरिक, एकल महिला र ख वर्ग अपाङ्गता भएका व्याक्तिहरुका लागि निःशुल्क यातायात सेवा उपलब्ध गराउँदै आएको वडा कार्यालयले जनाएको छ । यस अघि वडाका सामाजिक सुरक्षा भत्ता पाउने ६० जना नागरिकहरुको निःशुल्क रुपमा गाडीमा मंगलसेन लिएर राष्ट्रिय परिचय पत्र बनाई सकिएको वडा अध्यक्ष प्रकाश अधिकारीले बताउनु भयो ।

अझै पनि राष्ट्रिय परिचय पत्र बनाउन बाँकी रहेका नागरिकले वडा कार्यालयमा सम्पर्क गर्न अनुरोध गर्नु भयो । यहाँबाट सदरमुकाम मंगलसेन जान मात्रै गाडीमा ४ घण्टा लाग्ने र गाडी भाडा मात्रै एकतर्फी ६ सय रुपियाँ लाग्ने गरेको वडा अध्यक्ष अधिकारीले बताउनु भयो । उहाँले भन्नुभयो–“राष्ट्रिय परिचय पत्र बनाउनका लागि गाडी भाडा मात्रै १२ सय रुपियाँ लाग्छ नागरिकले सास्ती नपाउन् भनेर हामीले निःशुल्क यातायात सेवा उपलब्ध गराएका हौँ ।”

प्रकाशित मिति: बुधबार, साउन २१, २०८२ १९:३६

प्रतिक्रिया दिनुहोस्