साँफेबगर ।
जिल्ला ट्राफिक कार्यालय अछामले १९ लाख ६० हजार बढी राजश्व संकलन गरेको छ । अर्थिक वर्ष २०८१/०८२ असार मसान्तसम्म २ हजार ८ सय ४० वटा सवारी साधन कारबाहिबाट सो रकम संकलन गरेको हो ।
कारबाही परेका सवारी साधन मध्ये सिटबेल्ड नभएका, ओभर लोड गरि चलाएका, मादक पदार्थ सेवन गर्नेलाई कारवाही गरिएको हो । यस्तै छतमा सामान ओसारपसार गर्ने र तीव्र गतिमा चलेका सवारी साधनलाई कारबाहीबाट सो रकम संकलन गरिएको जिल्ला ट्राफिक कार्यालय अछामका कार्यालय प्रमुख प्रहरी सहायक निरीक्षक पदम सिंह महराले जानकारी दिनुभयो।
कार्यालयको तथ्यांक अनुसार ५ सय १९ ट्रकबाट ४ लाख ६१ हजार, ६८ बस कारबाहीबाट ४९ हजार ५ सय, ७ सय ९० जिप/कार कारबाहीबाट ५ लाख ५३ हजार ५ सय, २ सय ४८ ट्याक्टर कारबाहीबाट १ लाख ६७ हजार, ९ सय ९७ मोटरसाईकल कारबाहीबाट ६ लाख ५१ हजार ५ सय, २ सय २० अन्य सवारी कारबाहीबाट १ लाख ५६ हजार ५ सय गरी १९ लाख ६० हजार बढी राजश्व संकलन गरेको कार्यालय प्रमुख महराले जानकारी दिनुभयो ।
कार्यालयले गत साउनमा ८० ओटा सवारी साधनलाई कारबाहीबाट ५८ हजार रुपैयाँ, भदौमा १ सय १६ ओटा सवारी साधनलाई कारबाहीबाट ८५ हजार रुपैँया र असोज महिनामा १ सय ५३ सवारी साधन कारबाहीबाट १ लाख २७ हजार रुपैयाँ राजश्व संकलन गरेको छ। यस्तै कार्तिकमा १ सय ८४ सवारी साधनलाई कारबाहीबाट १ लाख २७ हजार रुपैयाँ, मंसिरमा १ सय ५४ ओटा सवारी साधनलाई कारबाहीबाट १ लाख ३ हजार रुपैयाँ र पुष महिनामा १ सय ७६ ओटा सवारी साधनलाई कारबाहीबाट १ लाख ३३ हजार ५ सय रुपैयाँ राजश्व संकलन गरेको छ।
कार्यालयको तथ्यांक अनुसार माघ महिनामा २ सय ८६ सवारी कारबाहीबाट १ लाख १७ हजार पाँच सय रुपैयाँ, फागुन महिनामा तीन सय ३ सवारी साधन कारबाहीबाट २ लाख ९ हजार रुपैयाँ र चैत्रमा ३ सय ५१ ओटा सवारी साधनलाई कारबाहीबाट २ लाख ४९ हजार राजश्व संकलन भएको छ।
यस्तै वैशाख महिनामा ३ सय २७ सवारी साधन कारबाही बाट २ लाख ७२ हजार रुपैयाँ, जेठ महिनामा ४सय २ ओटा सवारी साधनलाई कारबाहीबाट ३ लाख ४५ हजार रुपैयाँ राजश्व संकलन गरेको जनाईएको छ। कार्यालयले आर्थिक वर्षको अन्तिम महिना असारमा २ सय ६५ सवारी कारबाहीबाट १ लाख १६ हजार रुपैयाँ राजश्व संकलन भएको छ।
कार्यालयको तथ्यांक अनुसार अर्थिक वर्ष २०७८/०७९ मा २६ लाख ७१ हजार पाँच सय रुपैयाँ राजश्व संकलन गरेको थियो । अर्थिक वर्ष २०७९/०८० मा ३२ लाख ६९ हजार र अर्थिक वर्ष २०८०/०८१ मा २३ लाख ६६ हजार रुपैयाँ राजश्व संकलन गरेको जनाएको छ ।
यो अबधीमा ४६ वटा सवारी दुर्घटना हुदा ४ जनाको मृत्यु भएको छ । दुर्घटनामा ८ जना गम्भीर घाईते भएका छन भने ६७ जना सामान्य घाईते भएको कार्यालयको तथ्यांकमा उल्लेख गराएको छ ।
जिल्ला ट्राफिक प्रहरी कार्यालयले जनचेतनाका लागि विभिन्न जनचेतना मुलक कार्यक्रम समेत गर्दै आएको छ । कार्यालयले चालकको स्वास्थ्य परिक्षण, ओभर ट्याक सम्बन्धि कक्षा र नयाँ सवारी चालकलाई जनचेतनामुलक कार्याक्रम गर्दै आएको छ । यस्तै कार्यालयले समुदाय प्रहरी साझेदारी कार्याक्रम, विद्यालय सम्पर्क तथा कक्षा सञ्चालन, सरसफाई, यातायात व्यवसायि, चालक, परिचालकसंग दुर्घटना सम्बन्धि कार्यक्रम पनि गर्दै आएको छ ।
