साँफेबगर ।
अछामको साँफेबगर नगरपालिका ८ बयालपाटा निवासी तथा नेपाल तरुण दल अछाम क्षेत्र नम्बर १ का सभापति जनक कडायतले साँफेबगर हाटबजारको आगलागी रोक्न आफ्नै घरमा डोजर चलाउन अनुमति दिने गीता कठायत कुँवरको घर निर्माणका लागि १५ हजार १ सय १५ रुपैयाँ सहयोग गर्नु भएको छ । सोमबार आफ्नो जन्मदिनको अवसरमा सभापति कडायतले पिडितलाई राहत स्वरुप सहयोग गरेको बताउनु भएको छ ।
साँफेबगर नगरपालिका वडा नम्बर ३ मा यहि वैशाख १३ गते बिहान ३ः२० बजे भएको बिनाशकारी आगलागी हुँदा १० पसल पूर्ण रुपमा नष्ट भएका थिए । सोहि आगलागी लामो समयसम्म नियन्त्रण नहुँदा स्थानीय गीता कुँवरले आफ्नो पक्की घर भत्काउन अनुमति दिँदा थप आगो फैलिन नपाएर नियन्त्रणमा आएको थियो । तिनै गीता कुँवरको घर निर्माणका लागि चलाईएको सहयोग अभियानमा सभापति कडायतले १५ हजार १ सय १५ रुपैयाँ सहयोग गर्नु भएको हो ।
एकल महिला भएर पनि बजारमा आगो फैलिन नदिन आफ्नो घरमा डोजर चलाउन लगाउने साहसी महिलालाई आफुले मात्र नभएर सबैले सहयोग गर्नु पर्ने सभापति कडाएतले बताउनु भयो ।
साँफेबगर नगरपालिका वडा नम्बर ३ हाटबजारमा आगलागी हुँदा ३ करोड भन्दा बढीको क्षति भएको छ । १० पसल जलेका छन् । जिल्ला प्रहरी कार्यालको प्रारम्भिक तथाक अनुसार आगलागीबाट ३ करोड ८६ लाख ६५ हजारको क्षति भएको छ ।
शनिवबार विहान भएको आगलागीबाट गंग कुँवरको कालभैरव एण्ड सन्स जनरल स्टोर, प्रेम खड्काको शुभेच्छा ममः सेन्टर, भिम कुँवरको रोड साईड रेष्टुरेन्ट, दिपक सुनारको कालभैरव सुनचाँदि पसल, ज्ञानेन्द्र कुँवरको डाग ग्यालरी, टीका कुँवरको टीका फेन्सीएण्ड व्युटी पार्लर, सुरेस कुँवरको शितल नास्ता पसल, किशोर भाटको मदिरा पसल, मक्र कुँवरको रिभर साईड नास्ता पसल, सुमन कुँवरको राज्यश्वरी कृषि तथा पशुपछि फर्म जलेका थिए ।
