जयगढ ।
अछामको बान्नीगढी जयगढ गाउँपालिकाको जयगढ बजारमा भएको आगलागीबाट पीडितलाई सम विकास नेपालले खाद्यन्न र लुगाकपडा सहयोग गरेको छ । अग्नी पीडितको राहतका लागि सम विकास नेपालले तत्कालका लागि खाद्यन्न र लगाकपडा सहयोग गरेको हो ।
सम विकास नेपालका उपाध्यक्ष दुधकला बिष्टका अनुसार २५ किलोग्रामको ६० कट्टा सिल्की ग्रेडिङ चामल, ३० किलोग्रामको ४ कट्टा मिक्स दाल, १ सय २० पोका शक्ति नून, ३० किलोग्रामको चिउरा, नौ काटुन सनफ्लावर खाने तेल सहयोग गरेको छ। यस्तै संस्थाले ३० बट्टा साबुन, ३० बट्टा ब्रस, ३० बट्टा कोलगेट, १ सय २० प्याक सेनेटरी प्याड सहयोग गरिएको छ ।
यस्तै संस्थाले २१ वटा सर्ट, ११ हाप पाईन्ट, १३ ब्लाउज, बच्चाको हाप कट्टु २० वटा, ३३ वटा टिसर्ट र १ जोर बाक्लो गरि ९९ वटा लुगाकपडा सहयोग गरिएको जनाईएको छ । खाद्यन्न र लुगाकपडा सम विकास नेपालका अध्यक्ष सत्य स्वार लगाएतको टोलीले तथ्यांक संकलन, राहत वितरण तथा व्यवस्थापन समिति संयोजक किरण बहादुर खत्रीलाई हस्तान्तरण गर्नु भएको थियो ।
मंगलबार साँझ ७ः२० बजे भीषण आगलागी भई २३ घरमा रहेका ३५ पसल जलेर नष्ट भएका छन्। भौतिक संरचना बाहेक आठ करोड भन्दा बढीको क्षति भएको जनाईएको छ ।
