'साझा चौतारी’ बन्यो शारदाको चिया पसल

स्थानीय समाचार

Home
स्थानीय समाचार
'साझा चौतारी’ बन्यो शारदाको चिया पसल

'साझा चौतारी’ बन्यो शारदाको चिया पसल

गाउँ भरीका मान्छेहरु जम्मा भई सुख दुखका कुरा गर्ने थलो बनेको छ शारदा धमालाले संचालन गरेको किराना पसल । जिल्लाको पञ्चदेवल विनायक नगर पालिका वडा नं. १ नाँदीमा रहेको धमाला किराना पसल सबैको साझा चौतारी बनेको हो ।

गाउँका वियषमा छलफल गर्नु परे होस् वा केही सामूहिक सरसल्लाह गर्नु गर्ने होस् सबै पसलमा जम्मा हुन्छन र निर्णय हुन्छ । पसलमा दैनिक घरायसी चाहिने सामानहरुका साथै विद्यार्थीहरुलाई चाहिने कापी, कलम तथा स्टेशनरीका सामानहरु पाईन्छन् । नजिकै रहेको कक्षा १० सम्म संचालित विद्यालयलाई पनि पसलले मद्दत पुगेको छ । विद्यालयमा हुने कार्यक्रमलाई खाजा लगायत स्टेशनरी र विद्यार्थीहरुलाई चाहिने सरसामानका लागि बजार जान पर्दैन ।

चार छोरीको लालन पालन यसै दोकानले गरिरहेकी छु शारदाले भन्नुभयो–मासिक ८० हजार बराबरको कारोबार हुन्छ । वल्र्ड भिजन इन्टरनेशनल र जिल्लामा कार्यरत गैरसरकारी संस्था पहुँच र सृजनाका लागि सहकार्य नेपाल (वाक–नेपाल) को साझेदारीमा संचालित एकिकृत उत्थानशिल जीविकोपार्जन तथा पोषण परियोजना अन्तर्गत शारदाले विउ पुँजीका रुपमा सहयोग प्राप्त गरि पसल संचालन गर्नु भएको थियो ।

शारदालाई वाक नेपालले पहिलो चरणमा ४० हजार सहयोग र उहाँका छोरी दिपिका धमालालाई सिलाई कटाईको तालीम र पसल संचालन गर्न आर्थिक सहयोग गरेको थियो । अहिले दिपीकाले आफ्नो पढाई खर्च सिलाई कटाईबाट गरेर चलाई रहेकी छन् । शारदा एकल महिला हुन । शारदा धमालालाई हामीले पहिले पनि सहयोग गरेका थियौं संस्थाका कार्यक्रम व्यवस्थापक चेतराज जोशीले भन्नुभयो–शारदाको गाउँमा हाम्रो संस्थाबाट पावर परियोजना पनि संचालनमा थियो । त्यसबाट पनि सहयोग भएको थियो ।

प्रकाशित मिति: बुधबार, पुस १७, २०८१ १६:३४

प्रतिक्रिया दिनुहोस्