१५ दिन देखि अवरुद्ध माछापुच्छ्रे बैंकको सेवा सुचारु

स्थानीय समाचार

Home
स्थानीय समाचार
१५ दिन देखि अवरुद्ध माछापुच्छ्रे बैंकको सेवा सुचारु

१५ दिन देखि अवरुद्ध माछापुच्छ्रे बैंकको सेवा सुचारु

अछाम ।

अछाम जिल्लाको पञ्चदेवल विनायक नगरपालिका वडा नम्बर ३ विनायक बजार स्थित माछापुच्छ्रे बैंकको सेवा १५ दिन पछि सुचारु भएको छ। विद्युत र इन्टरनेट जडानमा समस्या आउँदा बैंकको सर्भर बिग्रिएर सेवा अवरुद्ध भएको थियो।

बैंकको सेवा अवरुद्ध हुँदा सामाजिक सुरक्षा भत्ता लिन आएका वृद्धवृद्धा, अपांगता भएका व्यक्ति, तथा बालबालिकाहरुले ठूलो कठिनाई झेल्नु परेको थियो ।

१५ दिन सम्म सेवा अवरुद्ध भएको बैंकको शनिबार प्राविधिक टोलीले समस्या समाधान गरे पछि आइतबार देखि नियमित रुपमा सेवा संचालन हुने बैंकका शाखा प्रबन्धक वसन्त दमाईले जानकारी दिए । उनले इन्टरनेट र वायरिङको समस्या समाधान भई सकेको र भत्ता वितरणका लागि बैंक तयारी अवस्थामा रहेको बताए ।

लामो समय देखि सामाजिक सुरक्षा भत्ता प्राप्त नगरेका सेवाग्राहीले यसअघि निकै कठिनाइ भोगेका थिए। कतिपयले चामल, औषधि, र छोराछोरीको परीक्षा शुल्क जस्ता अत्यावश्यक खर्चका लागि पनि समस्या भएको गुनासो गरेका थिए ।

बैंकको सेवा सुचारु भएसँगै लाभग्राहीहरूले अब नियमित रूपमा सामाजिक सुरक्षा भत्ता र अन्य बैंकिङ सेवा प्राप्त गर्न सक्ने छन्।

प्रकाशित मिति: आइतबार, पुस ७, २०८१ १८:०१

प्रतिक्रिया दिनुहोस्