कमलबजारका व्यापारीलाई नगर प्रमुखद्वारा डोको वितरण

स्थानीय समाचार

Home
स्थानीय समाचार
कमलबजारका व्यापारीलाई नगर प्रमुखद्वारा डोको वितरण

कमलबजारका व्यापारीलाई नगर प्रमुखद्वारा डोको वितरण

कमलबजार ।

अछाम जिल्लाको कमलबजार नगरपालिकाले कमलबजारका व्यापारीलाई डोको वितरण गरेको छ । नगरपालिकाको केन्द्रमा रहेको कमलबजारका दुई सय व्यापारीलाई आइतबार बिहान डोको वितरण गरिएको हो ।

बजारको सरसफाईका लागि डोको वितरण गरिएको नगरपालिकाले जनाएको छ । पसलबाट निस्किने फोहोरलाई संकलनको लागि डोको वितरण भएको नगर प्रमुख यज्ञ प्रसाद ढकालले बताए । जिल्लाको रामारोशनबाट खरिद गरेर ल्याईएका दुई सय डोको वितरण भएको हो ।

डोको वितरण कार्यक्रममा नगर प्रमुख ढकाल, उपप्रमुख शारदा विष्ट, नगरपालिकाका निमित्त प्रमुख प्रशासकीय अधिकृत चक्र बहादुर विष्ट लगायतका व्यक्तिहरुको सहभागिता थियो ।

बजारबाट निस्किने फोहोर संकलन गर्न प्लास्टिकको फोहोर मलाईको ठाउँमा डोको राख्न लागिएको हो । स्थानीय निगालोबाट बनेको डोको राख्दा प्लास्टिक जन्य सामानको आयात कम हुने नगर उपप्रमुख शारदा विष्टको बुझाई छ ।

प्लास्टिकको फोहोर मलाई बिग्रिएर नष्ट हुँदा त्यसको व्यवस्थापनमा गर्न असहज हुने गरेको छ ।

पछिल्लो समयमा अछामका स्थानीय तहहरुले प्लास्टिक जन्य सामानको खपत कम गर्दै गएका छन् ।

प्रकाशित मिति: आइतबार, पुस ७, २०८१ १७:५६

प्रतिक्रिया दिनुहोस्