हातेमालो सहकारीद्वारा मिनि टिलर हाते ट्याक्टर वितरण

स्थानीय समाचार

Home
स्थानीय समाचार
हातेमालो सहकारीद्वारा मिनि टिलर हाते ट्याक्टर वितरण

हातेमालो सहकारीद्वारा मिनि टिलर हाते ट्याक्टर वितरण

साँफेबगर ।

हातेमालो बहुउद्देश्यीय सहकारी संस्था लिमिटेड साँफेबगर अछामले मिनि टिलर, हाते ट्याक्टर वितरण गरेको छ ।
सुरो नेपाल धनगढी कैलालीको आर्थिक सहयोग र हातेमालो बहुउद्देश्यीय सहकारी संस्थाको आयोजनामा हातेमालो सहकारीका २२ जना शेयर सदस्य कृषकहरुलाई हाते ट्याक्टर वितरण गरिएको हो ।
हातेमालो सहकारी मार्फत सुरो नेपाल धनगढी कैलालीको ७५ प्रतिशत अनुदान र २५ प्रतिशत कृषकको लगानीमा डिजलबाट चल्ने १ सय ५० केजी भएको कृषि सामाग्री मिनि टिलर हाते ट्याक्टर वितरण गरिएको हो ।

यान्त्रिकरण मार्फत कृषि पेसालाई सहज बनाउने उद्धेश्यका साथ किसानलाई अनुदानमा मिनी टिलर वितरण गरिएको मिनि टिलर हस्तान्तरण कार्यक्रमका विशिस्ट अतिथि एवं सुरो नेपालका अध्यक्ष सुशिला खड्का ओझाले बताउनु भयो । उहाँका अनुसार पछिल्नो समयमा किसानले गाईगोरु पाल्न छाड्दै गएका छन् । जोत्नका लागि प्रयोग गरिने गोरु पाल्न छाडे पछि खेतीपातीमा समस्या हुँदा खेतबारी बाँझै हुने अवस्थामा पुगेकोले किसानलाई खेतिपाती गर्न सहज बनाउनका लागि ट्याक्टर वितरण गरिएको पनि बताउनुभयो ।

खेतबारी बाँझो हुन नदिन र किसानलाई खेतीपाती तिर उत्साहित गर्न अनुदानमा मिनी टिलर वितरण गरेको प्रति सहकारीलाई साँफेबगर नगरपालिकाका कार्यबाहक नगर प्रमुख एवं कार्यक्रमका प्रमुख अतिथि कुल बहादुर कुँवरले धन्यवाद दिनुभएकोछ । किसानहरुले गाईगोरु पाल्न छाडेका र अर्कोतिर परम्परागत भन्दा यान्त्रिक उपकरणले खेतबारी खनजोत गर्दा कम लागत पर्ने र छिटो छरितो हुने बताउनु भयो ।

४८ जना किसानले मिनी टिलर माग गरे पनि पर्याप्त बजेट नभएकाले २२ जनालाई मात्र वितरण गर्न सकिएको हातेमालो बहुउद्देश्यीय सहकारी संस्थाका अध्यक्ष सुरत भुलले बताउनु भयो । घाँसपात गरेर गोरु पाल्न गाह्रो हुने भए पछि पालिका भित्रका धेरै जसो किसानले मिनी टिलर प्रयोग गर्दै आएको उहाँको भनाई छ । गोरु पाल्न नपर्ने, छिटो काम हुने र कम लागत पर्ने भएकाले पछिल्लो समय साँफेका कृषकले खनजोतका लागि मिनी टिलरको प्रयोग गर्न थालेका हुन् । गोरुले तीन दिनमा जोत्ने खेतबारी मिनी टिलरले एकै दिनमा सकिने उहाँले बताउनु भयो। मिनी टिलर वितरण पछी लाभग्राही किसानहरु निकै हर्सित भएका छन ।
कार्यक्रममा चौरपाटी गाउँपालिकाका उपाध्यक्ष सर देवी खड्का र सुरो नेपाल धनगढीका कार्यक्रम प्रमुख रोहित अर्याल विशिस्ट अतिथि रहनुभएको थियो ।
विभिन्न पार्टीका पार्टी प्रतिनिधि, जनप्रतिनिधि पत्रकार, सुरक्षाकर्मी लगायत सहकारीका शेयर सदस्यहरुको सहभागिता रहेको थियो ।
सहकारीका लेखा समिति संयोजक भ्वानसिंह सार्कीले स्वागत मन्तव्य राख्नुभएको कार्यक्रमको संचालन चेतन बादिले गर्नुभएको थियो ।

454906148_2900399753443891_9010210513238879442_n-1723471512.jpg