कैलाली बहुमुखी क्याम्पसको स्ववियु कोठामा ताल्चा

स्थानीय समाचार

Home
स्थानीय समाचार
कैलाली बहुमुखी क्याम्पसको स्ववियु कोठामा ताल्चा

कैलाली बहुमुखी क्याम्पसको स्ववियु कोठामा ताल्चा

धनगढी ।

कैलालीको धनगढी स्थित कैलाली बहुमुखी क्याम्पसको स्ववियु कोठामा ताल्चा लगाईएको छ। नियम बमोजिम माग सम्बोधन गरि पाउँ भन्दै ताल्चा लगाईएको हो।

कैलाली बहुमुखी क्याम्पस र विद्यार्थी समस्या समाधानका लागि संघर्ष समिति विच भएको सहमती अनूरुप कार्यान्वयन नगरिएका विषयहरु तत्काल कार्यान्वयन गर्नु पर्ने र स्ववियु निर्वाचन भएको झन्डै एक वर्ष ६ महिना वितेको भन्दै ताल्चा लगाईएको हो।

विद्यार्थी समस्या समाधानका लागि संघर्ष समितिद्धारा एक पत्र मार्फत भनिएको छ–यस विचमा संगठन र शैक्षिक प्रशासन नियमावली २०६९ को संशोधन सहितको नियम १८१ (ग) को उपनियम (ग) मा कार्य समितिमा रहेका पदाधिकारी र सदस्य विद्यार्थीहरु जुन तह र विषयको नियमित विद्यार्थीको हैसियतमा निर्वाचित भएका हुन सोही तह को अन्तिम वर्ष सेमेस्टरको शैद्धान्तिक परीक्षा दिई सके पछि कार्य समितिको पदाधिकारी र सदस्य पद स्वतः समाप्त भएको मानिनेछ र सोही नियमको साधारण सभा सम्बन्धि व्यवस्था सम्बन्धि व्यस्थाको नियम ३ को उपनियम ग मा उल्लेख भए बमोजिम प्रत्येक वर्ष कम्तिमा एक पटक साधारण सभा बस्नेछ, भन्ने कानुनी व्यवस्था भए बमोजिम यस कैलाली वहुमुखी क्याम्पसको स्वोवियु सम्बन्धि सुदूरपश्चिम विश्वविद्यालयले व्यवस्था गरे अनुरुप उल्लेखित अनुरुप नियम १८१ घ को उपनियम ७ बमोजिम यहाँ संरक्षक रहेको हुँदा नियम बमोजिम कार्य काल सकिएकाहरुको नामावली हटाउनु पर्ने, विद्यार्थीका अतिरिक्त क्रियाकलापमा स्ववियुले लगाएको सिन्डिकेटको अन्त्य गरी स्वतन्त्र रुपमा अतिरिक्त क्रियाकलाप गर्ने व्यवस्था गर्नु पर्ने, विद्यार्थीको कल्याणका लागि विद्यार्थीबाट उठेको पैँसामा स्ववियुले हिनामिना गरेको प्रश्न उठेकोले तत्काल त्यसको छानविन गरि सत्यतथ्य बाहिर ल्याउनु पर्ने भनी निवेदन पेस गर्दछौं।

यस्तै उक्त पत्रमा भनिएको छ–साथै उपयुक्त मागहरु ७ दिन भित्र पुरा नगरेमा जस्तो सुकै आन्दोलन गर्न बाध्य हुनेछौं, यसको जिम्मेवार स्वयम क्याम्पस प्रशासन हुनु पर्ने छ।