जंगली जनावरको आक्रमणबाट मृत्यु भएका परिवारलाई १० लाख राहत

स्थानीय समाचार

Home
स्थानीय समाचार
जंगली जनावरको आक्रमणबाट मृत्यु भएका परिवारलाई १० लाख राहत

जंगली जनावरको आक्रमणबाट मृत्यु भएका परिवारलाई १० लाख राहत

मंगलसेन ।

अछाम जिल्लामा जंगली जनावर बदेलको आक्रमणबाट मृत्यु भएका पीडित परिवारलाई राहत रकम प्रदान गरिएको छ।

जिल्लाको तुर्माखाद गाउँपालिका वडा नम्बर ३ का २९ वर्षकि दिला देवी बयकको गत वर्ष साउन ३२ गते खेतबारीमा काम गरेर घर फर्किने बेला जंगली जनावर बदेलको आक्रमण बाट मृत्यु भएको थियो।

बुधबार एक कार्यक्रमका बीच मृतक बयकका श्रीमान बल बहादुर बयकलाई १० लाख रुपैयाँको चेक प्रमुख जिल्ला अधिकारी शिव प्रसाद लम्साल र डिभिजन वन कार्यालय अछामका प्रमुख जनक पाध्यायले हस्तान्तरण गर्नु भएको हो।

चेक हस्तान्तरण गर्दै प्रमुख जिल्ला अधिकारी शिव प्रसाद लम्सालले राज्यले राहत स्वरुप दिएको रकमको सहि सदुपयोग गर्नु पर्ने बताउनु भयो। अछाममा जंगली जनावरले गरेको क्षति वाफत पीडितले ६७ लाख रकम पाउनु पर्नेछ।

जंगली जनावरको आक्रमण बाट मृत्यु भएका १ जना र घाईते ११ जनालाई यो आर्थिक वर्षमा १६ लाख रुपैयाँ राहत रकम उपलब्ध गराईएको डिभिजन वन कार्यालय अछामका प्रमुख जनक पाध्याले बताउनु भयो। अन्य घाईते, मृतक र जंगली जनावरले क्षति पुर्याएका किसानहरुको राहत रकम अर्को आर्थिक वर्षमा उपलब्ध गराईने पाध्याले बताउनु भयो।

अन्न बालीमा ४ सय १३ जना किसानको १७ लाख ६४ हजार ८ सय,पशु धन तर्फ ७७ जना किसानको २८ लाख रकम पाउन बाँकी रहेको छ।

आर्थिक वर्ष २०७८/०७९ देखि हालसम्म जंगली जनावरको आक्रमणबाट अछाममा २ जनाको मृत्यु भएको छ भने १९ जना घाईते भएका छन्।

प्रकाशित मिति: बिहीबार, असार २७, २०८१ १२:०६

प्रतिक्रिया दिनुहोस्