साँफेबगर।
साँफेबगर नगरपालिका वडा नम्बर १३ बाब्लामा वडा स्तरिय मेलमिलाप आत्मानिर्भर संजाल गठन गरिएको छ।
साँफेबगर नगरपालिका वडा नम्बर १३ बाब्लाका वडा अध्यक्ष रुप बहादुर कुँवरको अध्यक्षता एवम पहुँच र सिर्जनाका लागि सहकार्य नेपाल वाक नेपालद्वारा संचालित सामाजिक रुपान्तरणका लागि महिला सशक्तिकरण परियोजनाको सहजीकरणमा बसेको बैठकले वडा स्तरिय मेलमिलाप आत्मानिर्भर संजाल गठन गरिएको हो।
बैठकले भावना थापा सम्पर्क व्यक्ति रहने गरि १६ सदस्यीय संजाल गठन गरेको हो। उक्त बैठकबाट चैत्र २५ गते संजालको बैठक बस्ने निर्णय गरेको पनि जनाईएको छ।
केएनएचको आर्थिक सहयोग, पहुँच र सिर्जनाका लागि सहकार्य नेपाल वाक नेपालद्वारा संचालित सामाजिक रुपान्तरणका लागि महिला सशक्तिकरण परियोजनाको सहजीकरणमामा बाब्लामा संचालन भई रहेको वाक नेपालले जनाएको छ।
बैठकमा वडा सदस्य बल बहादुर साउँद, हंशे साउँद, बसन्ती बिष्ट, बिरु सुनार, वाक नेपालका कोषाध्यक्ष सुशिला बोगटी, वाक नेपालद्वारा संचालित सामाजिक रुपान्तरणका लागि महिला सशक्तिकरण परियोजनाका अधिकृत दिनेश रावल लगायत संजालका सदस्यहरुको उपस्थिति रहेको थियो।
बैठकको संचालन केएनएचको आर्थिक सहयोगमा वाक नेपालद्वारा संचालित सामाजिक रुपान्तरणका लागि महिला सशक्तिकरण परियोजनाका सामुदायिक सहजकर्ता पार्वती पुनमगरले गर्नु भएको थियो।
