गैर अभिभावकलाई अध्यक्ष बनाएकोमा अभिभावकको आपत्ति

स्थानीय समाचार

Home
स्थानीय समाचार
गैर अभिभावकलाई अध्यक्ष बनाएकोमा अभिभावकको आपत्ति

गैर अभिभावकलाई अध्यक्ष बनाएकोमा अभिभावकको आपत्ति बुझाए ध्यानाकर्षण पत्र

साँफेबगर ।

साँफेबगर नगरपालिका ४ जनकल्याण स्थित जनकल्याण माध्यामिक विद्यालयका अभिभावकले ध्यानार्कषण पत्र बुझाएका छन्। उक्त विद्यालयका अभिभावकले गैर अभिभावकलाई विद्यालय व्यवस्थापन समितिको अध्यक्ष चयन गरिएको प्रति आपत्ति जनाउँदै ध्यानाकर्षण पत्र बुझाएका छन्।

यस्तै नयाँगठित विद्यालय व्यवस्थापन समिति एकलौटी ढंगले चयन गरेको भन्दै जनकल्याण मा.वि., साँफेबगर नगरपालिकाको शिक्षा शाखा र शिक्षा विकास तथा समन्वय इकाई मंगलसेन अछामलाई ध्यानाकर्ष पत्र बुझाएका हुन्।

आम अभिभावको भावना विपरित गैर अभिभावकलाई विद्यालय व्यवस्थापन समितिमा चयन गरिएकोले आफुहरुको ध्यानाकर्षण भएको अभिभावक हिरण्ड बहादुर कुँवरले बताउनु भयो।

उक्त ध्यानाकर्षण पत्रमा भनिएको छ–'श्री जनकल्याण मा.वि. साँफेबगर अछामको विगत ६ महिना देखि अवरुद्ध विद्यालय व्यवस्थापन समिति गठन प्रक्रियामा सहजीकरणका लागी ५ सदस्सीय कार्यदल गठन गरिएकोमा उक्त कार्यदल भित्र असहमती हुँदा हुँदै विद्यालय परिसर भन्दा बाहिर कोठे बैठक गरि शिक्षा ऐन तथा नियमावलीको विपरीत गई एकलौटी ढंगले आम अभिभावकको भावना विरुद्ध गैर अभिभावकलाई उक्त विद्यालयको वि.व्य.स. अध्यक्ष तथा सदस्यहरुको चयन गरेको कुरा सामाजिक सञ्जाल मार्फत देखिन आएको हुँदा उक्त निर्णय प्रति घोर आपत्ती व्यक्त गर्दै विद्यालयको भविश्य प्रति खेलवाड गर्ने प्रवृत्ति देखिएकाले सो निर्णय बदर गरि पुनः वि.व्य.स. गठन प्रक्रिया अगाडी बढाई दिन हुन अनुरोध गरिन्छ, यदि प्रक्रिया अगाडि बढेन भने कानुनी बाटो खोज्ने र आन्दोलनका कार्यक्रम अगाडि बढाउने पनि ध्यानाकर्षण गरिन्छ।'

उक्त ध्यानाकर्षण पत्रमा १९ जना अभिभावको हस्ताक्षर रहेको छ।