साँफेबगर ।
युनाईटेड अजोड इन्स्योरेन्स कम्पनी लि.ले कृषि, पशुपन्छी तथा जडिबुटी बीमा अभिकर्ता तालिम सम्पन्न गरेको छ। कम्पनीले कृषि, पशुपन्छी तथा जडिबुटी बीमा अभिकर्ताका रुपमा कम्पनीमा आवद्ध भई कार्य गर्न इच्छुक व्यक्तिलाई मध्ये नजर गर्दै कृषि, पशुपन्छी तथा जडिबुटी बीमा अभिकर्ता तालिम सम्पन्न गरेको हो।
कम्पनीले अछामको साँफेबगरमा उक्त तालिम संचालन गरेको हो। तालिलममा अछाम र बाजुराका गरि ८१ जनाको सहभागिता रहेको थियो। तालिम मार्फत बीमा प्राधिकरणबाट जारी कृषि तथा पशुपन्छी बीमा निर्देशिका, २०७९ बमोजिम कम्पनीले बीमा अभिकर्ता तालिम सम्पन्न गरेको हो।
उक्त तालिमले आम मानिसहरु कम्पनीमा आवद्ध भई कार्य गर्ने र कम्पनीको तालिमबाट प्राप्त सीपको आधारमा कार्य गर्दा कृषि बीमा प्रचार–प्रसार तथा जनचेतनामा थप टेवा पुग्ने विश्वास कम्पनीले लिएको छ। उक्त तालिम पश्चात कम्पनीसंग आवद्ध भई कार्य गर्ने बीमा अभिकर्ताहरुले कम्पनी र ग्राहकहरु बीच आफ्नो योग्यता तथा कम्पनीबाट प्राप्त ज्ञानको आधारमा बीमा कम्पनी र ग्राहकहरुको बीचमा राम्रो भूमिका निर्वाह गरि कार्य गर्ने अपेक्षा कम्पनीले लिएको छ।
तालिमबाट उक्त क्षेत्रमा नेपाल बीमा प्राधिकरणले निर्देशन गरे बमोजिम कृषि तथा पशुपन्छी बीमा गर्नका लागि ग्राहक महानुभावहरुले सहज रुपमा बीमा सेवा प्राप्त गर्ने अपेक्षा कम्पनीले लिएको छ।
तालिमको सहजीकरण कृषि तथा पशुपन्छि विभागका सुदिप पौडेल, कृषि प्राविधिक राजन धमला, युनाईटेड अजोड इन्स्योरेन्स कम्पनी लि. साँफेबगर शाखाका प्रमुख प्रेमराज रेग्मी, बाजुरा शाखाका नितेश शाही र प्राविधिक होमराज जोशीले गर्नु भएको थियो।
