साँफेबगर।
वाक नेपाललाई राष्ट्रिय संस्था बनाउने अभियान रहेको अध्यक्ष बल बहादुर केसीको भनाई रहेको छ। पहुँच र सिर्जनाका लागि सहकार्य (वाक) नेपालको २६ औं वार्षिक उत्सव कार्यक्रममा बोल्दै उहाँले हाल दुई जिल्लामा काम गदै आएको वाक नेपाल राष्ट्रिय संस्थाका स्थापित हुने दावि गर्नु भयो।
केहि समय भित्रै वाक नेपालले प्रदेश कार्यालय स्थापना हुन्छ। शिक्षा, स्वास्थ्य, विपद् व्यवस्थापन, सु–शासन अधिकार र संरक्षण, तथा संस्थागत विकासमा वाक नेपालले महत्वपूर्ण काम गरे वाफत दातृ निकायबाट उत्कृष्ट संस्था बन्न पनि सफल भएको छ। उहाँले भन्नु भयो–प्रदेश भरीमा नै वाक नेपालले गर्ने कार्य उत्कृष्ट बन्न सफल भएकाले थप होसला मिलेको छ। कति पय संस्थालाई कार्यक्रम प्राप्त गर्ने मुस्किल रहेको छ।
उहाँले भन्नु भयो–तर वाक नेपालले समुदायमा गर्ने क्रियाकलाप उत्कृष्ट हुँदा आजसम्म संस्थालाई कार्यक्रम अभाव छैन। वार्षिक उत्सव कार्यक्रममा बोल्दै संस्थाका पूर्व अध्यक्ष मिन बहादुर कुँवरले चार महिना भित्रै वाक नेपाल आफ्नै कार्यालयमा सर्ने गरि काम भई रहेको बताउनु भयो। आफ्नो नेतृत्वमा गठित भवन निर्माण समितिले चार महिना भित्रै भवन निर्माणको कार्य सम्पन्न गर्ने दावी गर्नु भयो।
वाक नेपाललको एक तला निर्माणको काम सम्पन्न भई सकेको छ। बाँकी एक तलाको काम चार महिना भित्रै सम्पन्न गर्छौं कुँवरले भन्नु भयो। स्थापना काल देखि नै वाक नेपालले समुदायसंग जोडिएर काम गदै आएको दावी गर्नु भयो।कुनै वर्ग, जाति, धर्म सम्प्रदाय र वैचारिक आस्थाको दृष्टिकोणले भेद्भाव नगरी सबैको आर्थिक समुन्नति मार्फत शिक्षा, स्वास्थ्य र सामाजिक अवस्थामा सुधार ल्याउने काम गर्दै आएको दावी गर्नु भयो।
वार्षिक उत्सव कार्यक्रममा सहभागि साझेदारी संस्था सप्रोस नेपालका लोकेश थापाले वाक नेपालले गर्ने उत्कृष्ट कार्यले राष्ट्रिय संस्था बन्न योग्य रहेको उहाँको भनाई रहेको छ। वाक नेपालको ईमान्दारीता, उत्कृष्ट कार्य, पारर्दशिता, सुशासन र जवाफदेहितामा हरेक साझेदारी संस्थाको रोजाईमा पर्दै आएको बताउनु भयो। वाक नेपाललाई आगामि दिनमा सप्रोस नेपालबाट सहयोग हुने समेत धारणा व्यक्त गर्नु भयो।
वाक नेपालका कार्यक्रम व्यवस्थापक चेतराज जोशीले संस्थाले आर्थिक रुपमा पछाडि परेका समुदायका अधिकारको वकालत, सामाजिक रुपान्तरणका कार्य देखि पारर्दशिता सुशासन जवाफदेहितामा महत्वपूर्ण भुमिका निर्वाह गर्दै आएको उहाँको भनाई रहेको छ।
अहिले अछाम र डोटी गरि दुई जिल्लामा काम गर्दै आएको बताउनु भयो। कृषि पाठशाला, कृषि एम्वुलेन्स, रुपान्तरणकारी योजना बचत, महिला आत्मनिर्भर समृह, लिफ्ट प्रणालीबाट जनताको खानेपानी पहुँच लगायत कार्यले जनताको जीवन स्तरमा परिवर्तन गर्ने कार्यक्रम गर्दै आएको व्यवस्थापक जोशीको भनाई रहेको छ।
