साँफेबगर ।
अन्तर धार्मिक शान्ति संजालका सदस्य महिला तथा युवा समुहका सदस्यहरु बीच लैङ्गिकता र घरेलु हिंसा सम्बन्धि एक दिने गोष्ठी साँफेबगरमा सम्पन्न भएको छ ।
शान्तिका लागि अन्तर धार्मिक संजाल महासंघ नेपालको आर्थिक सहयोग र एस नेपाल शान्तिका लागि अन्तर धार्मिक परियोजनाको आयोजनामा सम्पन्न भएको हो ।
कार्यक्रमका प्रशिक्षक तेजराज उपाध्यायले महिला र पुरुष बीच हुने विभेद, महिला माथि पुरुषले गर्ने विभेद, घरेलु हिंसा ,सामाजिक समावेशीकरण ,लैङिक समानता, अपांगता तथा सामाजिक समावेशिकरण र जातीय छुवाछुत लगायत अन्य विषयमा छलफल गर्नुभएको थियो । समाजमा महिला तथा पुरुष बीच सबै पक्ष र तहहरुमा बराबर अवसर र बराबर लाभ हासिल गर्नु अहिलेको आवश्यकता रहेको उहाँले बताउनु भयो ।
कार्यक्रमको उद्देश्य बारे एस नेपालका कार्य समिति सदस्य ढकेन्द्र बहादुर कुँवरले प्रकाश पार्नु भएको थियो । महिलाको तर्फबाट ममता मिया र अन्तर धार्मिक संजाल साँफेबगरका अध्यक्ष डम्बर बहादुर महताले मन्तव्य राख्नुु भएको थियो ।
एस नेपालका कार्य समिति सदस्य डम्बर बहादुर कुँवरको अध्यक्षतामा भएको गोष्ठीको संचालन कार्यक्रम संयोजक गोरख महताले गर्नु भएको थियो ।
