एमालेले चाह्यो भने एक हप्तामै सरकार ढल्छ: एमाले उपाध्यक्ष पौडेल

स्थानीय समाचार

Home
स्थानीय समाचार
एमालेले चाह्यो भने एक हप्तामै सरकार ढल्छ: एमाले उपाध्यक्ष पौडेल

एमालेले चाह्यो भने एक हप्तामै सरकार ढल्छ: एमाले उपाध्यक्ष पौडेल

Press Meet Sanfebagar.jpg

साँफेबगर ।

नेकपा एमालेका उपाध्यक्ष विष्णु प्रसाद पौडलले सत्ता गठबन्धनको सरकार ढलाउने र बनाउने पक्षमा नरहेको बताएका छन्। प्रेस चौतारी नेपालद्वारा सोमबार साँफेबगरमा आयोजित पत्रकार सम्मेलनमा अहिले सरकार भत्काउने पक्षमा नरहेको बताउनु भएको छ।

मिसन ग्रासरूट अभियानमा पार्टी केन्द्रित भएको भन्दै सरकार तिर ध्यान नदिएको उहाँको भनाई रहेको थियो। प्रेस चौतारी नेपाल जिल्ला शाखा अछामका उपाध्यक्ष तथा कार्यबाहक अध्यक्ष एकेन्द्र महताको अध्यक्षतामा भएको पत्रकार सम्मेलनमा बोल्दै उहाँले भन्नु भयो, हामीले चाह्यो भने एक हप्ता भित्र सरकार ढालि दिन्छौं, तर अहिले त्यता तिर लागेका छैनौं।

नेकपा एमालेका प्रभावशाली नेता समेत रहनु भएका उपाध्यक्ष पौडेलले ग्रासरूट अभियानबाट आगामी निर्वाचनमा तीनै तहका निर्वाचनमा बहुमत ल्याएर सरकार बनाउने भनाई राख्नु भएके थियो। पूर्व उप्रधान तथा अर्थ मन्त्री समेत रहनु भएका पौडेलले वर्तमान सरकार आए देखि सरकार आर्थिक रूपमा निकै कमजोर हुँदै गएको बताउनु भयो।

वर्तमान सरकार जनसवाल भन्दा पद केन्द्रीकृत रहेको पौडेलको दावी रहेको छ। प्रतिपक्षमा बसेर नेकपा एमालेले सरकारका गलत काममा कडा खालको भूमिका खेल्ने उहाँको भनाई रहेको थियो। नेकपा एमाले र एकीकृत नेकपा समाजवादी बीचको एकताको विषयमा पत्रकारको प्रश्नमा नेकपा एमाले कुनै दलसंग एकता नभएर त्यस पार्टीबाट सदस्य भित्र्याउने क्रममा रहेको बताउनु भयो।

नेकपा एमाले अछामका अगुवा कार्यकर्तालाई मिसन ग्रासरूट अभियानका बारेमा प्रशिक्षण गर्न अछाम पुग्नु भएका पौडेलसंगै नेकपा एमालेकै केन्द्रीय सचिव लेखराज भट्ट, पोलिटव्युरो सदस्य कर्ण बहादुर थापा, नेकपा एमाले सुदूरपश्चिम प्रदेश कमिटी अध्यक्ष दामोदर भण्डारी लगायतका नेताहरु संगै रहनु भएको थियो। पत्रकार सम्मेलनको संचालन प्रेस चौतारी नेपाल सुदूरपश्चिम प्रदेशका सदस्य भानु ढकालले गर्नु भएको थियो।

प्रकाशित मिति: मंगलबार, चैत १४, २०७९ १४:३६

प्रतिक्रिया दिनुहोस्