षोडशा देवी माविको प्रअमा रिमाल सिफारिस

स्थानीय समाचार

Home
स्थानीय समाचार
षोडशा देवी माविको प्रअमा रिमाल सिफारिस

षोडशा देवी माविको प्रअमा रिमाल सिफारिस

मंगलसेन ।

जिल्लाको सदरमुकाम मंगलसेनमा रहेको श्री षोडशा देवी माध्यमिक विद्यालयको प्रधानाध्यापक पदमा शिक्षक सर्पराज रिमाल सिफारिस हुनु भएको छ।

विद्यालयका प्रधानाध्यापक बृकेश सिंह बोगटीको अनिवार्य अवकास भए पछि विद्यालयको प्रधानाध्यापक पदमा नियुक्तिका लागि रिमाललाई सिफारिस गरिएको हो।

प्रधानाध्यापकको जिम्मेवारी सम्हाल्न लाग्नु भएका शिक्षक रिमालसँग विद्यालयको शैक्षिक तथा व्यवस्थापकीय क्षेत्रमा काम गरेको लामो अनुभव रहेको छ।

रिमालको नेतृत्वमा विद्यालयको शैक्षिक गुणस्तर सुधार, अनुशासन तथा संस्थागत विकासलाई थप प्रभावकारी बनाउने अपेक्षा गरिएको छ। विद्यालयमा विद्यार्थीमैत्री वातावरण निर्माण गर्दै शिक्षण सिकाईलाई प्रभावकारी बनाउन उहाँको भूमिका महत्वपूर्ण हुने विश्वास व्यक्त गरिएको छ।

विद्यालयको समग्र विकासका लागि शिक्षक, विद्यार्थी, अभिभावक तथा सम्बन्धित सरोकारवाला बीच सहकार्य र समन्वय आवश्यक रहेको भन्दै नयाँ प्रधानाध्यापकको कार्यकाल सफल हुने शुभेच्छा समेत व्यक्त गरिएको छ।

प्रकाशित मिति: शनिबार, असोज ३, २०८३ १७:५६

प्रतिक्रिया दिनुहोस्