सम विकास नेपालद्धारा प्रधानमन्त्री दैवी प्रकोप उद्धार कोषमा ५१ हजार रुपैयाँ सहयोग

स्थानीय समाचार

Home
स्थानीय समाचार
सम विकास नेपालद्धारा प्रधानमन्त्री दैवी प्रकोप उद्धार कोषमा ५१ हजार रुपैयाँ सहयोग

सम विकास नेपालद्धारा प्रधानमन्त्री दैवी प्रकोप उद्धार कोषमा ५१ हजार रुपैयाँ सहयोग

साँफेबगर।

सम विकास नेपालले सामाजिक उत्तरदायित्व अन्तर्गत प्रधानमन्त्री दैवी प्रकोप उद्धार कोषमा ५१ हजार पाँच सय ६५ रुपैयाँ सहयोग गरेको छ। संस्था र संस्थामा कार्यरत कर्मचारीहरुबाट उक्त रकम सहयोग गरिएको हो।

संस्थाका अनुसार विपद्को समयमा पीडित तथा प्रभावित परिवारलाई राहत तथा सहयोग आवश्यक पर्ने भएकाले कोषमा रकम जम्मा गरिएको हो। सहयोग रकम ठूलो नभए पनि विपद्मा परेका नागरिकलाई आफूहरु साथमा रहेको सन्देश दिन र सामाजिक उत्तरदायित्व निर्वाह गर्ने उद्धेश्यले सहयोग गरिएको संस्थाले जनाएको छ।

संस्थाले आगामी दिनमा पनि विपद्, शिक्षा, स्वास्थ्य, सामाजिक सेवा तथा समुदायको आवश्यकतासँग जोडिएका विभिन्न गतिविधिमा सक्रिय सहभागिता जनाउने जनाएको छ। उपलब्ध स्रोत, साधन र क्षमता अनुसार सामाजिक तथा मानवीय कार्यलाई निरन्तरता दिने संस्थाको योजना छ।