कमलबजार विमानस्थलको पौष १३ गते परिक्षण उडान हुने

स्थानीय समाचार

Home
स्थानीय समाचार
कमलबजार विमानस्थलको पौष १३ गते परिक्षण उडान हुने

कमलबजार विमानस्थलको पौष १३ गते परिक्षण उडान हुने

कमलबजार ।

अछाम जिल्लाको कमलबजार विमानस्थलको परिक्षण उडान हुने भएको छ ।

लामो समय देखि परिक्षण उडानको पर्खाईमा रहेको विमानस्थलको पौष १३ गते परिक्षण उडान गरिने कमलबजार नगरपालिकाका नगर प्रमुख यज्ञ प्रसाद ढकालले बताएका छन् ।
कमलबजार नगरपालिकाले आइतबार आयोजना गरेको नेपाल पत्रकार महासंघ अछामको नव निर्वाचित कार्य समितीलाई बधाई तथा सम्मान कार्यक्रममा नगर प्रमुख ढकालले सो कुरा उल्लेख गरेका हुन् ।

आफू निरन्तर लामो समय देखि एयर्पोट संचानका लागी लागि परेको र परिक्षण उडानको तयारी लगभग सक्किएको नगर प्रमुख ढकालले बताए ।

संस्कृती पर्यटन तथा नागरिक उड्यन मन्त्री बद्री पाण्डे आफैले १३ गतेको परिक्षण उडानको मिति तय गरेको ढकालले उल्लेख गरे ।

यस अघि गाईवस्तु चराउने गौचरन, पार्टीका कार्यक्रम गर्ने थलो र खेलकुदका कार्यक्रम गर्ने खेल मैदानका रुपमा प्रयोग हुँदै आएको थियो ।

२०४९ सालमा निर्माण प्रक्रिया सुरु गरिएको विमानस्थलको ३२ वर्ष पछि परिक्षण उडान हुन लागेको हो ।

प्रकाशित मिति: आइतबार, पुस ७, २०८१ १७:४९

प्रतिक्रिया दिनुहोस्