बिक्रम परियार, चौरपाटी।
नेकपा एमाले केन्द्रीय अनुसान आयोग सदस्य हर्क बहादुर कुँवर गोविन्दले नेकपा एमाले जनताको प्यारो पार्टी भएकाले आउने बैशाख ३० गतेको स्थानीय तहको निर्वाचनमा चौरपाटी गाउँपालिकामा नेकपा एमालेको जित सुनिश्चित भएको बताउनु भएको छ।
नेकपा एमाले चौरपाटी गाउँपालिका वडा नम्बर ५ लुंग्रामा चुनावी आमसभा कार्यक्रमलाई संबोधन गर्दै सुदूरपश्चिम प्रदेश सभा सदस्य समेत रहनु भएका कुँवरले नेकपा एमाले जनता प्रति सधैँ ईमानदार भएकाले जनताले एमालेका उम्मेदवारहरुलाई विजयी गराउने पनि आशा व्यक्त गर्नु भयो। कार्यक्रम बोल्दै चौरपाटी गाउँपालिका अध्यक्ष पदका उम्मेदवार राम बहादुर आउजीले चौरपाटी गाउँपालिका गाउँपालिकाको विकासका लागि आफ्नो पहिलो एजेन्डा विपन्न वर्गहरुलाई माथि उकास्न आवासको व्यवस्था गर्न लालपुर्जा वितरण गर्ने, गुणस्तरीय शिक्षाका लागि पहल गर्ने पर्यटकीय क्षेत्रको विकासका लागि पहल गर्ने प्रतिवद्धता जनाउनु भयो।
यसै गरी नेकपा एमाले चौरपाटी गाउँपालिका उपाध्यक्ष पदका उम्मेदवार अनिता खड्काले पनि आँफुले सधैँ यो क्षेत्रको स्वास्थ्य, शिक्षा, विकास निर्माण संगसंगै हुँदा धेरै समस्या बुझेकाले ती समस्या समाधान गर्ने प्रतिवद्धता जनाउनु भयोे। त्यसै गरी वडा कमिटी अध्यक्ष तथा चौरपाटी वडा नम्बर ५ का वडा अध्यक्ष पदका उम्मेदवार बल बहादुर भुलले लुंग्राको विकासका लागि जनताको सेवकको रुपमा रहेर विकास गर्ने प्रतिवद्धता जनाउनु भयो।
कार्यक्रममा विशिस्ट अतिथि नेकपा एमाले प्रदेश कमिटी सदस्य जंग बिक, प्रवासी नेपाली संघ भारतका केन्द्रीय उपाध्यक्ष डम्बर रावल, नेकपा एमालेका जिल्ला कमिटी सदस्य राम बहादुर खड्का, बुद्धिराम साउँद, रतन रावल, बि.एस. ओड, जिल्ला कमिटी सदस्य तथा चौरपाटी गाउँपालिका सहईन्चाज सुसिला बोगटी, प्रदेश कननुन विभाग सदस्य खडक खड्का, पालिका संगठन कमिटी अध्यक्ष झंकर खड्का, उपाध्यक्ष प्रेम खड्का, सचिव पूर्ण बहादुर खड्का लगाएतका नेता कार्यकर्ताहरु मन्तव्य राख्नु भएको थियो।
चौरपाटी गाउँपालि वडा नम्बर ५ का वडा कमिटी अध्यक्ष बिक्रम सुनारको अध्यक्षतामा भएको कार्यक्रम स्वागत मनतव्य वडा कमिटी सचिव लाल बहादुर साउँदले राख्नु भएको थियो। कार्यक्रमको संचालन प्रेस चौतारी नेपालका जिल्ला सचिव विक्रम परियारले गर्नु भएको थियो।
