मेल्लेख ।
वाक नेपालद्वारा जिल्लाको मेल्लेख गाउँपालिका वडा नम्बर २ ऋषिदहमा डिजिटल बजार तथा वित्तीय साक्षरता कक्षा समापन गरिएको छ। गत चैत २५ गते देखि जेठ ३ गते (३५ दिन) सम्म संचालन गरिएको साक्षरता कक्षा जेठ ४ गतेका दिन सहभागीहरुलाई प्रमाण पत्र प्रदान गर्दै एक कार्यक्रमका बिच विदाई गरिएको हो।
मेल्लेख गाउँपालिका वडा नम्बर २ का वडा अध्यक्ष कुशलराज बुढाको अध्यक्षतामा सम्पन्न गरिएको समापन कार्यक्रममा डिएमएफएल सहजकर्ता यज्ञ बहादुर बुढा, सिएफएस सहजकर्ता भक्त बहादुर बुढा लगायतका व्यक्तिहरुको उपस्थिति रहेको थियो। कार्यक्रममा लिंग÷लैंगिकता, समता÷समानता, चाहना÷आवश्यकता, पूँजी/लगानी, ऋण/ऋण प्रवाह, अभिलेख/माईन्युट, खर्च तथा आम्दानी योजना, दिर्घकालीन बचत योजना, पारिवारिक योजना, उत्पादन योजना, व्यवसाय नमुना क्यानभास, बजारको आधारभुत जानकारी तथा नक्सांकन, सामुहिक खेती, स्थानीय मूल्य श्रृंखला विकास, प्राङगारिक खेती प्रणाली, मोबाईल बैंकिङ, स्क्यान पे, फोन पे, जियो कृषि, स्मार्ट कृषि, अजोड तथा जीवन बीमा, ई–सेवा लगायतका विषयमा ३५ दिन सम्म सिकेका नतिजामुखी सिकाईहरुको सिकाई आदानप्रदान समेत गरिएको थियो।
साक्षरता कक्षाका सहभागी डम्मरा रोकायाले यो कक्षा लिएर मोबाईलबाटै मौसमको पूर्व जानकारी लिन र रिचार्ज समेत गर्न सिकिएको बताउनु भयो। त्यस्तै अर्का सहभागी भरु बुढाले अब मोबाईलबाटै आफ्नो उत्पादित वस्तुको मूल्य थाह पाउने र सोहि अनुसार बजार खोज्ने बताउनु भएको छ।
डिजिटल बजार तथा वित्तीय साक्षरता कक्षाको अवधारणा आजको डिजिटल युगमा बिल्कुलै नवितम र प्रभावकारी हुने भएकोले आगामी वर्षका लागि अभ्यासका रुपमा अझै २÷३ वटा कक्षाहरु संस्थाले संचालन गर्नु पर्ने र त्यसमा वडा कार्यालयले पनि सक्दो जिम्मा लिने वडा अध्यक्ष कुशलराज बुढाले प्रतिवद्धता जनाउनु भएको छ।
सिकेको ज्ञान र सिप महिला दिदीबहिनीहरुले आगामी दिनमा आ–आफ्नो जिवनमा व्यवहारिक रुपमा देखाउनु पर्ने कुरा समेत वडा अध्यक्ष बुढाले बताउनु भयो। अन्तरक्रिया कार्यक्रममा साक्षरता कक्षाका सहजकर्ता यज्ञ बहादुर बुढाले सहजीकरण गर्नु भएको थियो भने कार्यक्रमको संचालन वाक नेपालका फिल्ड परिचालक भुपेन्द्र भण्डारीले गर्नु भएको थियो।
यस अघि वाक नेपाल/वल्र्ड भिजनद्वारा मेल्लेख गाउँपालिकाका ऋषिदह, ठाँटि, हात्तीकोट, विन्देवासिनी र नन्देगडामा समेत साक्षरता कक्षा सम्पन्न गरिएका छन् भने शोडषा र ठाँटिमा साक्षरता कक्षाहरु अझै संचालनरत रहेका छन्।
![Risshidaha-1-1716013178.jpeg](https://www.khaptadnews.com/uploads/posts/Risshidaha-1-1716013178.jpeg)
![Risshidaha-2-1716013179.jpeg](https://www.khaptadnews.com/uploads/posts/Risshidaha-2-1716013179.jpeg)
![Risshidaha-4-1716013182.jpeg](https://www.khaptadnews.com/uploads/posts/Risshidaha-4-1716013182.jpeg)
![Risshidaha-3-1716013183.jpeg](https://www.khaptadnews.com/uploads/posts/Risshidaha-3-1716013183.jpeg)
![Risshidaha-1716013184.jpeg](https://www.khaptadnews.com/uploads/posts/Risshidaha-1716013184.jpeg)