नेकपा एमाले निकट नेपाल खेलकुद महासंघको साँफेबगरको प्रथम अधिवेशन सम्पन्न

समाचार

Home
समाचार
नेकपा एमाले निकट नेपाल खेलकुद महासंघको साँफेबगरको प्रथम अधिवेशन सम्पन्न

नेकपा एमाले निकट नेपाल खेलकुद महासंघको साँफेबगरको प्रथम अधिवेशन सम्पन्न प्रथम अधिवेशनबाट राजेन्द्र कोलीको अध्यक्षतमा २५ सदस्सीय नगर कमिटी गठन

एकेन्द्र महता शनिबार, साउन १३, २०८०

Khelkud Mahasangha.jpg

साँफेबगर ।

नेकपा एमाले निकट नेपाल खेलकुद महासंघको साँफेबगर नगर कमिटी गठन भएको छ । महासंघको प्रथम अधिवेशनले राजेन्द्र कोलीको अध्यक्षतमा २५ सदस्सीय नगर कमिटी गठन गरेको छ ।

कमिटीको उपाध्यक्ष प्रदिप विक, महिला उपाध्यक्ष मिना रावत, सचिव लोकेन्द्र विष्ट, सहसचिव रोशनी साउद र कोषाध्यक्ष सरस्वति थापा चयन हुनुभएको छ । नेकपा एमालेका नगर कमिटी अध्यक्ष ढकेन्द्र कुँवरको अध्यक्षतमा भएको प्रथम अधिवेशन कार्यक्रमका प्रमुख अतिथि नेकपा एमालेको पर्यटन प्रर्वद्धन तथा नागरिक उड्यन विभागका केन्द्रिय सदस्य रमेश कुँवर रहनु भएको थियो ।

नवनिर्वाचित कमिटीलाई वाधाई तथा शुभकामना दिदै पर्यटन विभागका केन्द्रिय सदस्य कुँवरले खेलकुद क्षेत्रको विकासको लागि स्थानीय स्तरबाट प्रतिभाको खोजी हुनु पर्नेमा जोड दिनुभएको छ । उहाँले यो कमिटीले लुकेर रहेका प्रतिभालाई वाहिर ल्याउने विश्वास समेत व्यक्त गर्नुभयो ।

प्रथम अधिवेशन कार्यक्रममा विशिष्ठ अतिथि नेपाल खेलकुद महासंघका केन्द्रिय सदस्य विएस ओड रहनु भएको थियो । कार्यक्रममा नेकपा एमालेका जिल्ला कमिटी सचिवालय सदस्य वालगिरी कुँवर, हिरण्ड कुँवर, प्रवासी नेपाली संघका केन्द्रिय सदस्य आकाश कुँवर लगायतको सहभागिता रहेको थियो ।

पाटीका नगर कमिटी उपसचिव यदिन मियाले स्वागत मन्तव्य राख्नुभएको कार्यक्रमको सञ्चालन उपाध्यक्ष ललित रैगाईले गर्नु भएको थियो ।

प्रकाशित मिति: शनिबार, साउन १३, २०८० १९:२६

प्रतिक्रिया दिनुहोस्