साँफेबगर ।
नेकपा एमाले साँफेबगर नगर संगठन कमिटी अछामको पदाधिकारी बैठक सम्पन्न भएको छ। नेकपा एमाले साँफेबगर नगर संगठन कमिटीका अध्यक्ष ढकेन्द्र कुँवरको अध्यक्षतामा भएको बैठकले संचालनमा रहेको मिसन ग्रासरुट अभियानको बैशाख ८ गते भित्र पालिका स्तरिय समिक्षा गरि सक्ने निर्णय गरेको छ।
यस्तै बैठकले नेकपा एमाले साँफेबगर नगरपालिकाका सबै वडामा रहेका संगठित सदस्यहरुले बैशाख ८ गते भित्र सदस्यता नवीकरण गरि सक्ने निर्णय गरेको छ। बैठकमा सबै वडा कमिटीका पदाधिकारीद्धारा आ–आफ्नो वडाको रिपोटिङ पनि गरिएको थियो।
बैठकमा नेकपा एमाले सुदूरपश्चिम प्रदेश कमिटी उपाध्यक्ष कमल तिमिल्सेना, नेकपा एमाले प्रदेश कमिटी सदस्य डिबि साउँद, नेकपा एमाले जिल्ला कमिटी सदस्य पुष्पराज भट्ट, टंक रावल, अनेरास्ववियु जिल्ला कमिटी सचिव भिम बडाहित, विभिन्न वडाका वडा कमिटी अध्यक्षहरु, नेकपा एमाले साँफेबगर नगर कमिटीका सदस्यहरु लगाएतको उपस्थिति रहेको थियो। नेकपा एमाले साँफेबगर नगर संगठन कमिटी उपाध्यक्ष ललित नेपालीले स्वागत मन्तव्य राख्नु भएको बैठकको संचालन नेकपा एमाले साँफेबगर नगर कमिटीका सचिव ललित बोगटीले गर्नु भएको थियो।
