अछाममा बालबालिकालाई कोरोना विरुद्धको खोप लगाईदैँ

स्थानीय समाचार

Home
स्थानीय समाचार
अछाममा बालबालिकालाई कोरोना विरुद्धको खोप लगाईदैँ

अछाममा बालबालिकालाई कोरोना विरुद्धको खोप लगाईदैँ

vaccine

अछामका कमलबजार बाहेक ९ वटा स्थानीय तहमा भाद्र ५ गतेबाट कोभिड १९ रोग बिरुद्धको खोप अभियान संचालन हुने भएको छ । ५ वर्षदेखि ११ वर्षभित्रका ४० हजार बढी बालबालिकालाई कोभिड १९ रोग बिरुद्धको खोप लगाईने भएको छ ।

जिल्ला स्तरीय कोभिड खोप संचालन तथा ब्यबस्थापन समिति तथा जिल्ला स्थित पत्रकासंग गरिएको अन्तरक्रिया कार्यक्रममा स्वास्थ्य अन्तर्गतका अन्य नियमित खोपका कार्यक्रमहरु प्रभावित नहुने गरि कोभिड रोग विरुद्धको खोप अभियान संचालन गरिने जानकारी गराईएको छ । कोभिड १९ विरुद्ध खोप अन्तर्गत फाईजर – बायोएनटेक अभियान अन्तर्गत पहिलो मात्रा भाद्र ५ देखि ११ सम्म र दोस्रो मात्रा भाद्र २७ देखि आश्विन १ गतेसम्म संचालन हुने स्वास्थ्य कार्यालय अछामका वरिष्ठ जनस्वास्थ्य अधिकृत झनकराज ढुंगानाले बताउनु भयो । जिल्लाका ५३४ खोपकेन्द्र मार्फत विद्यालय मार्फत प्राप्त विद्यालय बाहिर रहेका ५२१ र विद्यालयमा अध्ययनरत ३९ हजार ९ सय गरि ४० हजार ४ सय २१ बालबालिकालाई खोप दिईने ढुंगानाले बताउनु भयो।

जिल्ला स्तरीय कोभिड खोप संचालन तथा ब्यबस्थापन समिति संयोजक एव् प्रमुख जिल्ला अधिकारी विश्वराज मरासेनिको अध्यक्षतामा भएको कार्यक्रमका सहभागीले खोप अभियान सफल पार्नु सबैको दायित्व भएकाले सबैले सहयोग गर्ने प्रतिवद्धता जनाएका थिए । अभियानलाई सहयोग गरि दिन सबै जनप्रतिनिधि, खोप समन्वय समिति, शिक्षक शिक्षिका, विद्यालय व्यवस्थापन समितिका पदाधिकारी, शिक्षक, अभिभावक संघ,सरकारी गैर सरकारी संघ संस्था लगायत सबै सरोकारवालाहरुमा सहयोग गरिदिन स्वास्थ्य कार्यालयले आग्रह गरेको छ । बाँकी एकमात्र स्थानिय तह कमलबजार नगरपालिकामा भाद्र ९ गते बाट सचालन हुने हुनेछ । यसैबिच वरिष्ट जन स्वास्थ्य अधिकृत झनकराज ढुंगानाले अहिले फेरि जिल्लामा कोरोना भाईरसको संक्रमण दर बढिरहेकाले स्वास्थ्यका मापदण्डहरुको पुर्ण रुपमा पालना गर्न आग्रह गर्नुभएको छ । जनस्थरबाट नै मापदण्ड पालनाको वेवास्था भएको भन्दै सामान्य रुपमा नलिएर गम्भिर बन्न समेत सचेत गराउनुभएको छ । उहाँले कोरोनाको एक मात्र बिकल्प खोप भएकाले अभियानमा सहभागी हुन आग्रह समेत गर्नुभएको छ ।

प्रकाशित मिति: शनिबार, भदौ ४, २०७९ ०९:४८

प्रतिक्रिया दिनुहोस्