चार प्रादेशिक अस्पताललाई दशरथचन्द स्वास्थ्य विज्ञान विश्वविद्यालयको शिक्षण अस्पताल बनाईने

स्थानीय समाचार

Home
स्थानीय समाचार
चार प्रादेशिक अस्पताललाई दशरथचन्द स्वास्थ्य विज्ञान विश्वविद्यालयको शिक्षण अस्पताल बनाईने

चार प्रादेशिक अस्पताललाई दशरथचन्द स्वास्थ्य विज्ञान विश्वविद्यालयको शिक्षण अस्पताल बनाईने

धनगढी ।

सुदूरपश्चिम प्रदेश सरकारले शहीद दशरथचन्द स्वास्थ्य विज्ञान विश्वविद्यालयका लागि प्रदेशका चार प्रादेशिक अस्पताललाई शिक्षण अस्पतालका रुपमा प्रयोग गर्न स्वीकृति दिएको छ।

बिहीबार बसेको प्रदेश मन्त्रिपरिषद् बैठकले धनगढी स्थित सेती प्रादेशिक अस्पताल, लम्कीचुहा प्रादेशिक अस्पताल, टीकापुर प्रादेशिक अस्पताल र महेन्द्रनगर स्थित महाकाली प्रादेशिक अस्पताललाई विश्वविद्यालयको शिक्षण अस्पतालका रुपमा प्रयोग गर्न स्वीकृति दिने निर्णय गरेको हो।

मन्त्रिपरिषद्ले सम्बन्धित निकायसँग आवश्यक सम्झौता गर्ने तथा कानुनी र प्रशासनिक प्रक्रिया अघि बढाउने निर्णयसमेत गरेको छ।

प्रदेश सरकारको निर्णयसँगै विश्वविद्यालयको शैक्षिक संरचना विस्तार गर्ने प्रक्रिया अघि बढ्ने भएको छ। चारवटै अस्पताललाई शिक्षण अस्पतालका रुपमा उपयोग गर्ने व्यवस्था भए पछि सुदूरपश्चिममै चिकित्सा शिक्षा अध्यापन सुरु गर्ने आधार तयार हुने भएको छ।

प्रकाशित मिति: बिहीबार, साउन २१, २०८३ १२:४६

प्रतिक्रिया दिनुहोस्