स्वर्गीय साथीको स्मृतिमा बटुकलाई शैक्षिक सामग्री वितरण

स्थानीय समाचार

Home
स्थानीय समाचार
स्वर्गीय साथीको स्मृतिमा बटुकलाई शैक्षिक सामग्री वितरण

स्वर्गीय साथीको स्मृतिमा बटुकलाई शैक्षिक सामग्री वितरण

साँफेबगर ।

स्वर्गीय साथी प्रज्वल शाहको स्मृतिमा साँफेबगर नगरपालिका वडा नम्बर १ स्थित बैद्यनाथ वेद विद्या आश्रमका बटुकहरुलाई कापी, कलम र फलफूल वितरण गरिएको छ।

साथीको सम्झनालाई जीवन्त राख्ने उद्देश्यले सुदिप कुँवरले सामाजिक उत्तरदायित्व तथा मानवीय सेवाको भावना सहित आश्रममा अध्ययनरत बटुकहरुलाई शैक्षिक सामग्री र फलफूल वितरण गर्नु भएको हो।

कार्यक्रममा सहभागीहरुले स्वर्गीय प्रज्वल शाहको सम्झनामा गरिएको यस्तो सामाजिक तथा परोपकारी कार्यले सकारात्मक सन्देश प्रवाह गर्नुका साथै मानवीय सेवाको भावनालाई थप मजबुत बनाउने बताएका थिए।

कार्यक्रममा आश्रमका गुरुजन, बटुकहरु तथा स्थानीय समाजसेवीहरुको सहभागिता रहेको थियो। सहभागीहरुले स्वर्गीय आत्माको चिरशान्तिको कामना गर्दै शिक्षा, संस्कार र सेवामूलक कार्यलाई निरन्तरता दिनु पर्नेमा जोड दिएका थिए।

श्रद्धाञ्जली अर्पण गर्दै सुदिप कुँवरले आगामी दिनहरुमा पनि यस्ता सामाजिक तथा मानवीय सहयोगका कार्यक्रमहरु सञ्चालन गर्दै जाने प्रतिबद्धता व्यक्त गर्नु भयो।

प्रकाशित मिति: सोमबार, जेठ २५, २०८३ २१:१६

प्रतिक्रिया दिनुहोस्