स्वास्थ्य प्रवर्धन बहस कार्यक्रम ऐश्वर्य मावि दर्नामा सम्पन्न

समाचार

Home
समाचार
स्वास्थ्य प्रवर्धन बहस कार्यक्रम ऐश्वर्य मावि दर्नामा सम्पन्न

स्वास्थ्य प्रवर्धन बहस कार्यक्रम ऐश्वर्य मावि दर्नामा सम्पन्न

अछाम ।

“स्वास्थ्य समुदाय, समृद्व समाज” भन्ने मूल नाराका साथ स्वास्थ्य प्रवर्धन बहस कार्यक्रम सम्पन्न भएको छ। बान्नीगढी जयगढ गाउँपालिका वडा नम्बर ६ दर्ना स्थित ऐश्वर्य माविका विद्यार्थीहरु बीच स्वास्थ्य प्रवर्धन बहस कार्यक्रम मंगलबार सम्पन्न भएको हो।

कार्यक्रममा “स्वास्थ्यका लागि व्यवहार परिवर्तन र हाम्रो भूमिका” विषयमा केन्द्रित रहेर छलफल गरिएको थियो। कार्यक्रममा सहभागी विद्यार्थीहरुले स्वस्थ जीवनशैली अपनाउन आवश्यक उपायहरु बारे विचार आदान–प्रदान गरेका थिए।

कार्यक्रममा बान्नीगढी जयगढ गाउँपालिकाका स्वास्थ्य शाखा प्रमुख बसन्त रावलले सन्तुलित आहार सेवन, नियमित व्यायाम, सफा पानी पिउने बानी तथा धुम्रपान र मद्यपान नगर्ने जस्ता व्यवहार परिवर्तनका विषयमा प्रशिक्षण गराउनु भएको थियो।

कार्यक्रममा सहभागी हुँदै वडा अध्यक्ष जगत थापाले स्वास्थ्य सम्बन्धी सचेतना बढाउन यस्ता कार्यक्रमहरु प्रभावकारी हुने धारणा व्यक्त गरेका थिए। उक्त कार्यक्रम प्रादेशिक स्वास्थ्य प्रवर्धन केन्द्र धनगढी कैलालीको सहयोग र बर्ददेवी मिडिया प्रा.लि. अछामको आयोजनामा सम्पन्न भएको हो।

प्रकाशित मिति: बुधबार, वैशाख २३, २०८३ ०८:१५

प्रतिक्रिया दिनुहोस्