कर्णाली नदीमा डुङ्गा दुर्घटना: सशस्त्र प्रहरीको विपद उद्धार टोलीद्वारा बुवा–छोराको शव फेला

स्थानीय समाचार

Home
स्थानीय समाचार
कर्णाली नदीमा डुङ्गा दुर्घटना: सशस्त्र प्रहरीको विपद उद्धार टोलीद्वारा बुवा–छोराको शव फेला

कर्णाली नदीमा डुङ्गा दुर्घटना: सशस्त्र प्रहरीको विपद उद्धार टोलीद्वारा बुवा–छोराको शव फेला

अछाम ।

कर्णाली नदीमा डुङ्गा पल्टिँदा बेपत्ता भएका बुवा–छोराको शव फेला परेको छ। वैशाख ३ गते साँझ तुर्माखाँद गाउँपालिका वडा नम्बर ३ बल्देका ३५ वर्षीय पहल सिंह बुढाले चलाएको डुङ्गा सुर्खेतको पञ्चपुरी नगरपालिका वडा नम्बर ७ क्षेत्रबाट घाँस लिएर फर्किने क्रममा अचानक पल्टिँदा उनी र उनका करिब ११ वर्षीय छोरा नरी बुढा नदीमा हराएका थिए।

घटना पछि नेपाल प्रहरी र सशस्त्र प्रहरी बल, नेपाल नं. ४९ गुल्म खप्तड अछामबाट खटिएको विपद् व्यवस्थापन टोलीले खोज तथा उद्धार कार्य सञ्चालन गरेको थियो।

खोजीका क्रममा वैशाख ५ गते छोरा नरी बुढाको शव घटनास्थल देखि करिब १ किलोमिटर तल फेला परेको थियो भने वैशाख ६ गते बुवा पहल सिंह बुढाको शव करिब ५०० मिटर तल पानीमुनि अड्किएको अवस्थामा गोताखोर टोलीले निकालिएको जनाईएको छ।

दुवै शवलाई आवश्यक कानुनी प्रक्रिया पूरा गर्न नेपाल प्रहरीलाई बुझाईएको छ।

प्रकाशित मिति: आइतबार, वैशाख ६, २०८३ १७:४४

प्रतिक्रिया दिनुहोस्