‘बोल्छ अछाम’मा भण्डारीको नेतृत्वः दुर्गम विद्यालयमा न्यानो लुगा वितरण

स्थानीय समाचार

Home
स्थानीय समाचार
‘बोल्छ अछाम’मा भण्डारीको नेतृत्वः दुर्गम विद्यालयमा न्यानो लुगा वितरण

‘बोल्छ अछाम’मा भण्डारीको नेतृत्वः दुर्गम विद्यालयमा न्यानो लुगा वितरण

काठमाडौं ।

अछाम जिल्लामा स्थायी ठेगाना भई हाल काठमाडौं उपत्यकामा बसोबास गर्दै आएका युवाहरुले अछाम केन्द्रित साझा पहलका रुपमा ‘बोल्छ अछाम’ अभियान सुरु गरेका छन्।

सो अभियानले सामाजिक कार्य समेत थालेको छ। व्यवसायी कपिल भण्डारीको संयोजकत्वमा हालै सिर्जित सो अभियान अन्तरगत अछामका भौगोलिक रुपमा विकट तथा सडक सञ्जालले नछोएका दुर्गम विद्यालयहरुमा न्यानो लुगाकपडा सहयोग गरिएको छ।

जसमा अछामको पञ्चदेवल विनायक नगरपालिका वडा नम्बर ९ स्थित भवानीदेवी आधारभूत विद्यालयका विद्यार्थीहरु र रामारोशन गाउँपालिका वडा नम्बर ५ स्थित रुपादेवी आधारभूत विद्यालयमा अध्ययनरत १४९ जना विद्यार्थीलाई न्यानो लुगा वितरण गरिएको अभियानले जनाएको छ।

राजधानीमा अध्ययन, रोजगारी तथा विभिन्न पेशा–व्यवसायमा आवद्ध अछामका युवाहरुको उल्लेख्य सहभागितासँगै अभियानको प्रारम्भिक संरचना तय गरिएको थियो। सो अभियान अब निरन्तर चल्ने बताईएको छ।

समाचारसंग सम्बन्धित तस्विरहरु

IMG_6515.JPG-1769235577.jpeg