साँफेबगर ।
अछाम पहाडबाट अस्थायी रुपमा तराई बसोबास गर्ने ५७ जना अछामीलाई वडा कार्यालयबाट प्रदान गरिने सेवा कैलालीबाट दिईएको छ । पहाडबाट अस्थायी रुपमा तराईमा बसोबास गर्दै आएका ५७ जना नागरिकलाई कैलालीको अत्तरियाबाट सेवा दिईएको हो । अछाम जिल्लाको साँफेबगर नगरपालिका–१२, खप्तडबाट विभिन्न कारणले तराईमा बसोबास गरि रहेका नागरिकलाई कैलालीको अत्तरियाबाट सेवा दिईएको वडा कार्यालयले जनाएको छ ।
भदौ ४, ५ र ६ गते तीन दिनसम्म सञ्चालन गरिएको उक्त सेवामा वडा कार्यालय मार्फत प्रदान गरिने सेवाहरु जन्म, मृत्यु, नाता प्रमाणीकरण, सामाजिक सुरक्षा भत्ता नवीकरण लगायतका सेवा प्रदान गरिएको वडाध्यक्ष जनक बहादुर कडायतले बताउनुभयो । धेरै नागरिक रोजगार, पढाई र व्यापारका सिलसिलामा सहरमै बस्न बाध्य भएको अवस्थामा सामान्य कार्यका लामो दुरीको यात्रा गरेर सेवा लिनु पर्ने बाध्यता हटाउन यो सेवा दिईएको वडाध्यक्ष कडायतले बताउनुभयो ।
उहाँका अनुसार २९ जनाको सामाजिक सुरक्षा परिचय पत्र नवीकरण, ६ जनाको जन्मदर्ताको प्रमाण पत्र, ९ जनाको मृत्यु दर्ता, र अन्य १३ वटा सिफारिस गरेर ५७ जनाले सेवा लिईएका हुन् । धेरै नागरिक रोजगार, पढाई र व्यापारका सिलसिलामा शहरमै बस्न बाध्य भएको अवस्थामा सामान्य कार्यका लागि गाउँ जानु पर्ने बाध्यता हटाउन यो पहल गरिएको वडा अध्यक्ष जनक बहादुर कडायतले बताउनुभयो ।
उहाँले भन्नुभयो–“अस्थायी रुपमा बसोवास गर्ने र औषधि उपचारका लागि तथा अन्य कारणले छिमेकी मुलुक भारतमा भएका लाभग्राही वडा कार्यालयसम्म पुग्न नसक्ने अति असक्त लाभग्राहीलाई सामाजिक सुरक्षा भत्ता परिचय पत्र नवीकरण गर्न वडा कार्यालयका कर्मचारी र जनप्रतिनिधीको स्वयं उपस्थितमा कैलालीको अत्तरियाबाट सेवा प्रवाह गरेका हौँ ।”
यो कार्यले जनसेवामा स्थानीय सरकारको भूमिकालाई थप प्रभावकारी बनाएको छ । बढी खर्च र लामो दुरीको यात्रा गर्नु पर्ने बाध्यता टरेकाले सेवाग्राही खुसि भएका छन् ।
सामाजिक सुरक्षा परिचय पत्र नवीकरण गर्दै जेष्ठ नागरिक ।
सेवाग्रही सहित वडा कार्यालयका पदाधिकारीहरु ।
तस्बिर शौजन्य : दिनेश बाब्ली , रमेश कडायत ।
